web counter
LEXO PA REKLAMA!

SHKARKO APP

App Store
Google Play

Marrëveshja 302 milionë dollarëshe/ Korreshi: U bë si radha për vajguri, ne deputetët qenkemi "lëng groshe"

28 Korrik 2026, 13:33, Aktualitet CNA

Marrëveshja 302 milionë dollarëshe/ Korreshi: U bë si radha

Deputeti i Partisë Demokratike, Saimir Korreshi, ka folur pas mbledhjes së Sekretariatit të Etikës ku u mor vendimi për përjashtimin nga Kuvendi me 60 ditë të Agron Shehajt.

Korreshi u shpreh se gjërat nuk shkuan ashtu siç u paralajmërua në seancë në lidhje me leximin e marrëveshjes 302 milionë dollarëshe, duke theksuar se 140 deputetë do të duhet të mbanin radhën si për vajguri për t'u njohur me dokumentin.

“Vota jonë ka qenë kundër, sepse, siç e kemi deklaruar edhe dje, unë me zotin Bardhi kemi shkuar dhe kemi konstatuar një situatë krejt ndryshe nga fjalët e shokut Niko, i cili na tha që kundrejt firmës së konfidencialitetit mund të merrnim akt-marrëveshjen dhe ta konstatonim. Gjetëm realitet krejt të kundërt. Jo vetëm që nuk mund ta merrnim, por duhet të viheshim në radhë si për vajguri, 140 deputetë, për ta lexuar një nga një akt-marrëveshjen. Kjo nuk është normale”, tha ai.

Sa i përket komentit që i është bërë ngjarjes ku Agron Shehaj vodhi dokumentet në Kuvend, Korreshi u shpreh se fjala rrëmbim ishte shumë e rëndë e përdorur për këtë rast.

“Fjala rrëmbim më duket shumë e rëndë. Ambientet janë pranë ambienteve të Parlamentit ku aksesojnë deputetët. Nëse materiali do të ishte kaq konfidencial, duhet të ishte kryetari i Komisionit të Sigurisë Kombëtare ai që ta aksesonte dhe ta mbante dokumentin, jo një punonjës Parlamenti”, deklaroi ai.

Sipas Korreshit, deputetët duhet të kenë përparësi në aksesin ndaj një dokumenti për të cilin duhet të votojnë.

“Kush ka më shumë rëndësi sipas jush? Një deputet që duhet të votojë atë akt apo një punonjës Parlamenti që nuk e voton atë akt? Ma shpjegoni. Atëherë na qenkan ‘lëng groshe’ deputetët”, u shpreh ai me tone ironike./ CNA





Lajmet e fundit nga