web counter
LEXO PA REKLAMA!

SHKARKO APP

App Store
Google Play

E fundit!

x

Priten stuhi dhe reshje të dendura/ CNA sjell pamje nga Palasa, qytetarët zgjedhin të lahen në detin Jon

9 Shtator 2024, 19:02, Aktualitet CNA

Priten stuhi dhe reshje të dendura/ CNA sjell pamje nga Palasa,

Këtë të hënë dhe të martë pritet të përkeqësohet moti në vend, duke sjellë reshje të dendura shiu në disa zona, shoqëruar me erë të fortë. 

Ndërkaq, në redaksinë e CNA kanë mbërritur pamje nga zona e Palasës ku shihen mjete të vogla të ankoruara në breg dhe po ashtu disa qytetarë, që kanë vendosur të lahen në ujin e kristaltë të Jonit, të cilët duken të pashqetësuar nga dallgët e detit.

Drejtoria e Përgjithshme Detare në Vlorë një ditë më parë u ka bërë thirrje të gjithë drejtuesve të mjeteve të vogla lundruese dhe anijeve të përshkimit, duke filluar nga 9 shtatori e deri mëngjesin e të martës, të marrin masa me qëllim parandalimin e çdo situate të papritur për shkak të kushteve atmosferike.

“Në bazë të parashikimit për situatën hidrometeorologjike të përkeqësuar brenda dhe jashtë gjirit të Vlorës, gjatë datave 09-10.09.2024 duke filluar nga ora 10:00 datë 09.09.2024 në drejtimin Jug-Jug-Lindje, në forcën deri 5-6bft me shpejtësi ere deri 10-15m/s dhe lartësi dallge nga 1.00 deri 1.50 metra, me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port  dhe rritje e gadishmerisë së ekuipazhit në mjetet lundruese.Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse”, njoftoi drejtoria Detare e Përgjithshme Detare në Vlorë.

Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 08:00 të 10 shtatorit./ CNA





Lajmet e fundit nga