web counter
LEXO PA REKLAMA!

SHKARKO APP

App Store
Google Play

Nis rikonstruksioni i plotë dhe rivitalizimi i Bibliotekës së Fëmijëve në Korçë

29 Qershor 2025, 18:28, Aktualitet CNA

Nis rikonstruksioni i plotë dhe rivitalizimi i Bibliotekës së

Kryetari i Bashkisë Korçë, Sotiraq Filo ka njoftuar sot nisjen e një projekti të rëndësishëm për qytetin.

Përmes një postimi në rrjetet sociale, Filo bën me dije se ka nisur rikonstruksioni i plotë dhe rivitalizimi i Bibliotekës së Fëmijëve, e dhuruar për qytetin nga filantropi Thoma Turtulli, një nga objektet më të rëndësishme të Korçës për sa i përket kujtesës historike dhe vlerave arkitekturore që mbart si objekt unikal dhe i realizuar me shumë dashuri e kujdes nga mjeshtrit e kohës.

Filo thekson se ky projekt për restaurimin dhe rijetëzimin e saj, i pari në këtë shkallë ndërhyrjeje që nga ndërtimi i objektit, është realizuar nga Bashkia Korçë me konsulencën e specialistëve të restaurimit dhe është miratuar sipas ligjit të trashëgimisë kulturore në Këshillin Kombëtar të Trashëgimisë Kulturore.

Nis rikonstruksioni i plotë dhe rivitalizimi i Bibliotekës së

Sipas Filos, restaurimi synon të nxjerrë në pah vlerat e degraduara në vite, si dhe të krijojë ambient komod sipas normativave pa ndryshuar funksionin aktual, për t’i shërbyer sipas vullnetit të dhuruesit Thoma Turtulli, fëmijëve, dhe që të iluminojë brezat, duke ndërthurur leximin e librit tradicional me elementet e teknologjisë dhe inovacionit.

Objekti është në fazën e përgatitjes së kantierit për fillimin e punimeve ndërtimore, si dhe ka filluar puna për restaurimin e disa elementeve identitarë të objektit, siç është portoni hyrës.

Filo shkruan se pasi projekti të përfundojë, mbi 600 fëmijë të moshës deri në 15 vjeç, frekuentues të kurseve të teknologjisë dhe inovacionit, së bashku me qindra bashkëmoshatarë të tyre, frekuentues të librit, të kenë një ambient komod dhe dinjitoz dhe që amaneti i Thoma Turtullit, për një rini larg kafeneve dhe pranë dijes, të vazhdojë të përmbushet në përjetësi./CNA





Lajmet e fundit nga