web counter
LEXO PA REKLAMA!

SHKARKO APP

App Store
Google Play

E fundit!

x

Komisioni “Babale”/ Dëshmojnë sot ministri dhe zyrtarë të lartë

15 Maj 2024, 09:15, Aktualitet CNA

Komisioni “Babale”/ Dëshmojnë sot ministri dhe

Këtë të mërkurë do të mblidhen 3 Komisione Parlamentare, ai i Ligjeve, Ekonomisë dhe Veprimtaritë Prodhuese.

Te Komisioni i Ligjeve do të dëgjohet raporti vjetor i veprimtarisë së Inspektoratit të Lartë të Deklarimit dhe Kontrollit të Pasurive dhe të Konfliktit të Interesit gjatë vitit 2023.   

Te Komisioni i Ekonomisë do të dëgjohet raporti vjetor i Autoritetit të Mbikqëyrjes Financiare (AMF) për vitin 2023, ndërsa Komisioni për Veprimtarinë Prodhuese do të shqyrtojë nen për nen projektligjin “Për Komunikimet Elektronike në Republikën e Shqipërisë”.  

Gjithashtu, sot do të mblidhet edhe Konferenca e Kryetarëve dhe Komisioni Hetimor për TIMS-in, i njohur ndryshe si Komisioni “Babale”.

Te Komisioni Hetimor janë thirrur si dëshmitarë dhe do të pyeten në orën 17:00 ministri i Brendshëm, Taulant Balla, në orën 18:00 Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, në orën 19:00 drejtori i Policisë së Shtetit, Muhamet Rrumbullaku dhe në orën 20:00 ish-drejtori i Departamentit IT në Policinë e Shtetit, Ervin Muça./ CNA





Lajmet e fundit nga