web counter
LEXO PA REKLAMA!

SHKARKO APP

App Store
Google Play

I jepet lamtumira policit të vrarë në Fier, homazhe në teatrin "Bylis"

15 Maj 2024, 10:18, Aktualitet CNA

Sot përcillet për në banesën e fundit polici 28-vjeçar, Novruz Cenalia, i cili u vra me armë zjarri dy ditë më parë në Baltëz të Fierit.

Raportohet se homazhet po kryhen në teatrin “Bylis” të qytetit. 

Miq, familjarë dhe kolegë të ish-efektivit do të përcjellin për në banesën e fundit 28-vjeçarin që u vra nga një plumb në kokë.

Të pranishëm në ceremoninë janë ministri i Brendshëm, Taulant Balla, i shoqëruar nga deputetja Ermonela Felaj, drejtori i Përgjithshëm i Policisë së Shtetit, Muhamet Rrumbullaku, si dhe kreu i Bashkisë së Fierit, Armando Subashi.

Ende nuk është kapur autori i ngjarjes së rëndë. Policia prej dy ditësh vijon kërkimet.

Ngjarja: 

28-vjeçari u qëllua me armë më 13 maj 2024 në fshatin Baltëz të Fierit. Ai ishte nisur për të shkuar në punë, por u përfshi në një debat me Azgan Mërnicën, 23 vjeç, për radhën e kalimit me makinë.

Gjatë debatit 23-vjeçari nxori pistoletën që e mbante me vete dhe me një tek plumb në kokë la të vdekur në vend punonjësin e Policisë së Shtetit./CNA 





Lajmet e fundit nga