web counter
LEXO PA REKLAMA!

SHKARKO APP

App Store
Google Play

E fundit!

x

Dosja u pushua për mungesë provash/ Komisari Saimir Rrustemi rikthehet shef rendi

19 Gusht 2024, 12:28, Aktualitet CNA
Dosja u pushua për mungesë provash/ Komisari Saimir Rrustemi rikthehet
Komisari Saimir Rrustemi

Saimir Rrustemi, komisari i shkarkuar në dyshimet për abuzime me tenderin e rikonstruksionit të Komisariatit të Malësisë së Madhe, është rikthyer në detyrë.

Ai është emëruar shef rendi në Policinë e Shkodrës, post të cilin e ka mbajtur edhe më parë.

Postin e shefit të rendit e mbajti për disa kohë Genc Reçi, ndërsa tashmë ky i fundit është transferuar në postin e shefit të stërvitjes në Forcat e Ndërhyrjes së Shpejtë në Shkodër.

Kujtojmë se në muajin Korrik të 2022-shit, Rrustemi u arrestua së bashku me 13 efektivë të tjerë të policisë së qarkut, nën dyshime për abuzim tenderi, në vlerën 2 milionë lekë.

Komisari mohoi akuzat dhe u lirua 3 ditë pas arrestimit. Fillimisht u la në “arrest shtëpie” dhe më pas masa u lehtësua në “detyrim paraqitje”. Një vit më pas, dosja u pushua për shkak se Prokuroria nuk gjeti prova të arsyeshme për ta akuzuar.

Pas përfundimit të betejës me drejtësinë, Rrustemi u emërua në sallën operative në Drejtorinë e Dibrës dhe më pas shef i Krimeve në Komisariatin e Vaut të Dejës.

Tashmë, ai është rikthyer në detyrën që pati para arrestimit./ CNA





Lajmet e fundit nga