Jeni duke gënjyer? Kujdes lëvizjet që bëni

29 Janar 2021, 08:13, Blog CNA

Nëse dyshoni se dikush po ju gënjen, kushtojini vëmendje gjesteve të tij:kushdo që thotë një gënjeshtër tenton të kopjojë, pa e kuptuar, gjuhën e trupit të bashkëbiseduesit të tij. Ky zbulimi i përshkruar në revistën ?Royal Society Open Science?, mund t?iu shërbejë për të gjetur metoda të reja për të verifikuar besueshmërinë e bashkë-biseduesve tuaj.

Ata që janë në gjendje të gënjejnë shumë shpesh, kanë tendencën të kenë sjelljet e pritshme nga një person i sinqertë. Por prirja për të kopjuar gjestet e tjetrit,e theksuara nga studimi në fjalë,është diçka më delikate, është një qëndrim të cilin gënjeshtarët nuk mund t`a kontrollojnë dot. Një grup psikologësh nga Universiteti Erasmus në Roterdam të Holandës, i kërkuan rreth 50 studentëve të zgjidhnin një enigmë prej druri brenda 5 minutash. Një kohë qartazi e pamjaftueshme për ta zgjidhur lojën.

Sofi Van der Zi, autore e studimit, i fshehu udhëzimet për zgjidhjen e enigmës në dhomën ku studentët mund t?i shihnin. Por më pas u kërkoi studentëve të mos e përmendnin këtë ?harresë?, pasi ajo kishte frikë nga qortimi i eprorëve tësaj. Në realitet zgjidhjet e enigmës ishin lënë në një vend të dukshëm me qëllim.

Makina e së vërtetës

Më pas, Van der Zi dhe kolegët e saj regjistruan bisedat midis pjesëmarrësve të studimit dhe studentëve të tjerë. Ata që ndoqën rekomandimet e studiueses mbi letrën më përgjigje, u detyruan të gënjejnë se si kishin arritur t`a zgjidhnin enigmën.

Lëvizjet e të gjithë studentëve – si ?gënjeshtarët? ashtu edhe bashkëbiseduesit e tyre – u studiuan me një akseleometër pa tel (një instrument që mat përshpejtimet e lëvizjeve). Nga krahasimi i gjesteve të kokës, gjoksit dhe kyçeve të dorës, u pa se kur pjesëmarrësit ishin të sinqertë, ata lëviznin ndryshe nga moshatarët e tyre.

Ndërsa ata që gënjenin, imitonin në mënyrë të pandërgjegjshme gjestet e personit me të cilin po flisnin. Kjo ndodh pasi gënjeshtra kërkon shumë energji dhe përqendrim. Dhe angazhimi i madh për të krijuar një histori të besueshme, dhe për të kontrolluar reagimet e të tjerëve, u lë gënjeshtarëve më pak burime për të kontrolluar ndërveprimet e tyre sociale. Kopjimi i gjesteve që shohim tek tjetri, kërkon më pak përpjekje sesa menaxhimi i gjesteve vetjake dhe origjinale. Ky mekanizëm i përballimit të mbingarkesës konjitive, nuk është thuajse kurrë i dukshëm me sy, por nuk i ka shpëtuar akseleometrit.

Kush gënjen?

Nëse konfirmohet, ky zbulim mund të shfrytëzohen në të ardhmen nga hetuesit e krimeve. Me një sqarim:teknika zbulon nëse lëvizjet e dy bashkëbiseduesve janë të ngjashme, por nuk thotë se cili nga të dy është duke gënjyer. Pra, demaskimi i gënjeshtarit të radhës nuk është kurrë diçka e lehtë./Përshtatur nga CNA.al

Burimi: https://www.focus.it/comportamento/psicologia/chi-dice-bugia-imita-movimenti-interlocutore