web counter
LEXO PA REKLAMA!

SHKARKO APP

App Store
Google Play

E fundit!

x

Nis mbledhja e përbashkët e qeverive Shqipëri-Kosovë/ Rama zbulon projektin e përbashkët

2 Tetor 2020, 09:29, Politikë CNA

Ka nisur mbledhja e përbashkët e qeverive të Kosovës dhe Shqipërisë, ku në axhendë është nënshkrimi i 14 marrëveshjeve. 3 Janë më të rëndësishme: Kosova me doganë në portin e Durrësit, linjë e përbashkët hekurudhore dhe ndërtimi i një hidrocentrali.

Para mbledhjes, Rama zhvilloi edhe një takim me kryeministrin e Kosovës, Avdullah Hoti.

Rama tha se ata kanë rënë dakord për një projekt të ardhshëm të përbashkët, që është investimi për një projekt rikualifikimi urban tërësor të qytetit historik të Shqiptarisë, Prizrenit.

Sipas Ramës kjo është në kuadër të 150-vjetorit të Lidhjes së Prizrenit, që si datë është ende larg, por projekti është menduar sipas tij që sot.

?Është kënaqësi e posaçme që pavarësisht këtij momenti kaq të vështirë, që po kalojmë ne dhe bota, kufizimi i kontakteve dhe kushtet për takime të afërta, janë shumë të kufizuara. Arrijmë të organizojmë këtë takim të 6-të ndërqeveritar, Shqipëri-Kosovë. Këtu në Tiranë, në 100-vjetorin e kryeqytetit.

Përpara se sa të vinim këtu, kemi pasur një bisedë miqësore me kryeministrin, dhe kemi rënë dakord të investohemi bashkë për të çuar përpara një projekt të përbashkët duke filluar sa më parë nga puna për, 150-vjetorin e Lidhjes së Prizrenit, i cili është ende larg në kohë, por jo aq larg sa për mos menduar që sot për një projekt rikualifikimi urban tërësor të qytetit historik të shqiptarisë.?- tha Rama.

Më tej, Rama në fjalën e tij theksoi se ambicia jonë është heqja e kufirit.

?Ambicia jonë është heqja e kufirit në funskion të katër lirive të Bashkimit Europian, në rajonin tonë, duke filluar nga më e thjeshta, heqja e kufirit mes Shqipërisë dhe Kosovës.

Ministritë e të dyja shteteve të intensifikojnë punën për të mundësuar databeze të përbashkët dhe kontrollin në të gjitha pikat e kalimit kufitar, pa humbur ansjë ccentimetër në betejen kundër aktiviteteve të paligjshme dhe asnjë lloj abuzimi me lirinë e lëvizjes?-tha Rama?vijon





Lajmet e fundit nga