web counter
LEXO PA REKLAMA!

SHKARKO APP

App Store
Google Play

Panik në Elbasan/ 71-vjeçari nuk dorëzohet, mbërrijnë forcat anti-eksploziv dhe makinat e blinduara

24 Shtator 2020, 13:11, Politikë CNA

Elbasani vijon të jetë në panik, nga ngjarja e rëndë e ndodhur mesditen e sotme, ku një 71-vjeçar qëlloi me armë në drejtim ttë efektivëve të policisë.

Prej më shumë se një ore, efektivë të ?Shqiponjave? dhe RENEA kanë rethuar banesën e 71-vjeçarit, por ky i fundit sërish nuk dorëzohet.

Banesa nga e cila po qëllon 71-vjeçari është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.

Po ashtu mësohet se në banesën e 71-vjeçarit, kanë mbërritur edhe forcat anti-eksploziv dhe makinat e blinduara. Kjo sepse i moshuari nuk ka dalë në ballkon dhe nuk po qëllon më, e për pasojë bëhet i vështirë neutralizimi i tij.

Kujtojmë këtu se ngjarja nisi rreth orës 13:20, ku në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar me armë zjarri kallash në drejtim të forcave të Policisë.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t?i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë. Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë./ CNA.al





Lajmet e fundit nga