web counter
LEXO PA REKLAMA!

SHKARKO APP

App Store
Google Play

“Damian ke punuar në SHISH”/ Murrizi i “përvishet” Gjiknurit: Këtë nuk ta lejon Kushtetuta

24 Shtator 2020, 11:27, Politikë CNA

Deputeti Myslim Murrizi është shprehur me tone mjaft të ashpra kundër draftit të paraqitur nga PS, për ndryshimet në Kodin Zgjedhor.

Nga foltorja e Kuvendit, Murrizi theksoi se drafti është antikushtetues, pasi sipas tij ndryshimet kushtetuese të miratuara në parlament, nuk lejojnë mbylljen e listave më shumë se 1/3.

Murrizi i është drejtuar edhe Damian Gjiknurit, për të cilin tha se ka punuar në SHISH, por është edhe juris aq i Zoti sa për ta lexuar siç duhet Kushtetutën.

?Sa herë kemi qënë afër do shpikej një incident. Kur ishin në opozitë këta që janë në pushtet kishin hallin e Vangjelit të Fierit, pastaj pala tjetër qarku i Fierit. Gjenit artifica se po mbyllet një media, ata që është kufizu fjala e lirë.

Ndersa tani kërkoni që ndryshimet kushtetuese ti hidhni në erë. Sepse iu leverdis ju dhe atyre të tjerëve. Si mund të besojë një qytetar që vota e tij ka vlerë kur iu thoni që lista parapëlqyese dy jetë e hapur 100%, por në parlament do hyjë ai që doni ju. Në çdo zonë dhe qark ku subjeket politike marrin një mandat, ngelet për tu parë se kush i merr votat sipas kapërcimit të ylberit, të draftit të Damianit.

Damian, kush ta ndalon të mbyllësh listën?

Lexoje Damian se je jurist i mirë edhe pse ke punuar në SHISH në fillim të karrierës tënde. Maksimumi mund të mbyllësh 1/3 e listës. Kushtetuta nuk të autorizon që nëpërmjet hiles mos të vlerësosh voten e qytetarëve?-tha Murrizi./ CNA.al





Lajmet e fundit nga