web counter
LEXO PA REKLAMA!

SHKARKO APP

App Store
Google Play

Epoka “Daja” nis nga stadiumi i ri, zbulohet plani i Partizanit. Inagurimi do të bëhet…

8 Gusht 2020, 11:40, Sport CNA

Trajneri i ri pritet të prezantohet të hënën nga ambientet e stadiumit të ri. Është kjo ideja që ka klubi i Partizanit për ditën kur do të zyrtarizojë Ilir Dajën në pankinë. Deri më tani klubi i kuq nuk ka dashur të zbulojë asgjë, por ?Panorama Sport? mëson se drejtuesit kanë vendosur të bëjnë diçka ndryshe në prezantimin e stafit teknik që do të kryesohet nga Ilir Daja, ndërsa ndihmësit e tij do të jenë Artim Pollozhani dhe Ilir Bozhiqi.

Burime në klub treguan dje për gazetën se po mendohet që të hënën të ftohen mediat për prezantimin e Dajës nga ambientet e kompleksit të ri të klubit, ku krahas kuriozitetit për projektin me trajnerin që ka fituar titullin me Skënderbeun, Dinamon dhe Elbasanin, të shikohet nga të gjithë edhe se deri në çfarë pike kanë ecur punimet.

Pandemia i prishi disi planet, por gjithsesi tashmë inaugurimi i kompleksit duket se është çështje ditësh dhe synimi i klubit mbetet që skuadra të luajë ndeshjet e sezonit të ri në stadiumin e vet. Mësohet se punimet kanë ecur me ritme të kënaqshme dhe brenda pritshmërive të drejtuesve për vetë situatën jo të zakontë./Panorama Sport





Lajmet e fundit nga