web counter
LEXO PA REKLAMA!

SHKARKO APP

App Store
Google Play

Nallbani: Egbo ka pasur fat, Tirana të gjejë trajner tjetër

24 Qershor 2020, 07:24, Sport CNA

Emanuel Egbo është duke udhëhequr Tiranën drejt titullit numër 25 në histori, ndërsa gjatë kohës që është në drejtim të bardhebluve ka vendosur edhe disa rekorde rrugës.

Mirëpo, për disa të gjitha këto nuk mjaftojnë, duke qenë se shprehen se kryeqytetasve iu duhet një trajner me më shumë emër apo me eksperiencë. Këtë mendim ka edhe ish-portieri i Tiranës, Blendi Nallbani. Në një intervistë për Fax Sport, ?Tata?, thekson se Egbo ka pasur fat në rrugëtimin e tij dhe se Tiranës do t?i duhet të sigurojë një tjetër trajner të mirë.

?Fillimisht për ta pasur të qartë edhe ju mediat, Egbo nuk më ka zënë vendin mua. Unë kisha 8 muaj që kisha ikur te Partizani për disa arsye, kur Egbo erdhi te Tirana. E kanë thënë dhe disa media të tjera dhe unë po i?u them të vërtetën. Atëherë Egbo duhet të nxjerrë Tiranën kampion, nuk ka ku shkon.

Pastaj do apo s?do të largohet, pasi Tirana ka nevojë për një trajner tjetër të mirë. Egbosë i ka ecur shumë fati deri tani, se do merrej një trajner tjetër te Tirana, po nuk erdhi. Në atë moment Halili mendoi që sa të harxhonte paratë, të merrte Egbonë deri në mbylljen e këtij sezoni.

Prandaj po them që futbolli është edhe fat, Egbosë i eci. Ishte Mema dhe mua më erdhi keq që nuk pati rezultate, se e kam mik. Nuk i eci pas disa problemeve dhe Ahmataj po ashtu. Vjen Egbo dhe siç shihet gjërat po shkojnë mirë.

Gjithsesi Tirana e vendosë vetë, por për mendimin tim duhet të merret një trajner i mire?.

Situata e Partizanit? ?E kam thënë, gabimi ndodhi që te Gega. Në asnjë vend të botës nuk hiqet trajneri që të shpalli kampion, kjo dihet?, u shpreh Nallbani. /VipSport.al





Lajmet e fundit nga