E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

E ardhmja e kombëtares shqiptare, Tuci mahnit Kroacinë me golin e tij

22 Qershor 2020, 07:47, Sport CNA

Do të dëgjoni shumë për Indrit Tucin! Një premtim dhe shkrime të shumta janë bërë për këtë sulmues shqiptar që po justifikon gjithçka. Ashtu siç e ka thënë edhe Besnik Prenga që ky sezon do të jetë që Tuci të mësohet me futbollin e të rriturëve pasi ka ardhur nga akademia. Por në përballjen e djeshme ndaj Hajdukut të Splitit, një gol fantastik ka ardhur nga këmbët e Indrit Tucit për t?i çuar shifrat në 2-2.

Indrit Tuci është sulmuesi i së ardhmes për Shqipërinë dhe për këtë nuk duhet që të ketë dyshime. Pasi mbërriti në akademinë e Lokomotivës së Zagrebit, menjëherë do të fitonte vëmendjen e trajnerit të ekipit të parë, Tomic.

Ky i fundit nisi që në këtë sezon për t?i dhënë më tepër minuta aktivizimi, që në sezonin e ardhshëm të mbështetet tek talenti 19-vjeçar. Por në një finale të parakohshme siç ishte kjo e sotmja ndaj Hajdukut të Splitit për vendin e dytë, Tuci e nisi nga minuta e parë.

Në minutën e 66 erdhi edhe shpërblimi teksa me një kryevepër me këmbën e majtë, jo të preferuarën e këtij sulmuesi, topi do të ndalej në rrjetë. Lokomotiva e Zagrebit i përmbysi shifrat në minutën e fundit në 3-2 falë realizimit të Kolinger, duke marrë kështu tre pikët e arta. Ndërkohë menjëherë pas takimit, Tuci ka dhënë edhe fjalët e para për ?Sport Ekspres? mes emocioneve:

?Është një ndjenjë vërtet shumë e bukur që të shënosh në një ndeshje kaq të rëndësishme. Po luanim për vendin e dytë ndaj Hajdukut të Splitit. Prandaj këtë gol ia dedikoj familjes sime që më ka mbështetur në çdo hap të jetës. Kam marrë komplimente nga gjithë skuadra për këtë gol të realizuar dhe mbi të gjitha dua të falënderoj trajnerin për besimin që kishte te mua?, ka thënë Tuci.