web counter
LEXO PA REKLAMA!

SHKARKO APP

App Store
Google Play

Sa shumë finale në Kategorinë e Parë/ Mësoni 6 supersfidat që do të zhvillohen ditën e sotme

20 Qershor 2020, 09:56, Sport CNA

Kategoria e Parë ka hyrë në fazën më të rëndësishme të sezonit për të përcaktuar ekipet që do të ngjiten në Superiore dhe ato që do të detyrohen të zbresin një nivel më poshtë.

6 sfida do të luhen ditën e sotme, ku dy prej tyre janë vërtet interesane. Dy kryesuesit e Grupit A Kastrioti dhe Besëlidhja luajnë sot kundër njëri-tjetrit në fushën e krutanëve. Këta të fundit, edhe ndodhen në distancë komode prej 9 pikësh nga lezhjanët, nuk duan të injorojnë rëndësinë e ndeshjes pasi duan të sigurojnë para kohe ngjitjen në Superiore. Nga ana tjetër, skuadra e Elvis Plorit synon të rihapë garën për Superioren.

Në Grupin B, Apolonia kërkon të fitojë në fushë në Pogradecit pas suksesit në derbi me Lushnjen në fillim të kësaj jave. Në këtë grup, gara është e ngjeshur për Superioren. Një tjetër takimi me rëndësi është dhe ai mes Lushnjes e Besës.

Ndërkohë, Dinamo rikthehet në fushë dhe sfidon Veleçikun për mbijetesë në Grupin A.

Të gjitha takimet do të luhen në orën 17:00.

Programi i ndeshjeve të sotme për Kategorinë e Parë është:

Kategoria e Parë/ Grupi A (Play-off)
Kastrioti-Besëlidhja
Erzeni-Korabi

Kategoria e Parë/ Grupi B (Play-off)
Pogradeci-Apolonia
Lushnja-Besa

Kategoria e Parë/ Grupi A (Play-out)
Tërbuni-Burreli
Veleçiku-Dinamo





Lajmet e fundit nga