web counter
LEXO PA REKLAMA!

SHKARKO APP

App Store
Google Play

Shpresa e Kukësit për të hapur garën e titullit, gjithçka në dorën e…Teutës

15 Qershor 2020, 12:27, Sport CNA

Tirana është skuadra më në formë e momentit dhe titulli duket vetëm formalitet për bardheblutë që janë shkëputur prej kohësh 9 pikë nga Kukësi. Por, derisa matematika e lejon, atëherë asgjë nuk mund të thuhet me siguri.

Sidomos në futboll? Pikërisht për këtë, ndeshja e sotme në Durrës shihet edhe si një nga shanset e pakta, ndoshta i vetmi, ku gara për titull mund të rihapet.

Kukësi do të ndeshet me Flamurtarin e vendit të fundit dhe me gjithë respektin për vlonjatët e rënë nga kategoria, verilindorët shihen si favoritë absolutë. Ndërkohë, Teuta mbetet një skuadër e rrezikshme, përtej paraqitjeve zhgënjyese kohët e fundit.

Barazimi dramatik 2-2 në Shkodër në çerekfinalet e para të Kupës e ka zgjuar ekipin e Martinit. Teuta do të kërkoj patjetër fitoren për llogaritë e veta, sepse synon një vend në Europë, por nëse ia del të thyej bardheblutë që nuk humbin prej 16 ndeshjesh, atëherë mund ta hapë edhe garën për titull.

Sepse, nëse diferenca me Kukësin shkon -6, atëherë edhe presioni i veriorëve ndaj kryesuesve do të jetë shumë më i madh. Por, duhet kujdes, sepse Tirana ka sulmin më të mirë të Superiores, me 56 gola në 26 javë, ndonëse Teuta është një nga mbrojtjet më të mira me 25 gola të pësuar.





Lajmet e fundit nga