web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Reali dhuron spektakël, skuadra e Zidan triumfon ndaj Eibar

14 Qershor 2020, 20:02, Sport CNA

Real Madrid e kishte lënë La Liga me një humbje 2-1 përballë Betis dhe është kthyer pas 3 muajsh me një fitore bindëse 3-1 ndaj Eibar, për të mbajtur hapin e Barcelonës kryesuese që kishte fituar një ditë më parë. Skuadra e Zinedin Zidan ka triumfuar falë një pjese të pare të luajtur me shumë thjeshtësi dhe me një saktësi mbresëlënëse para portës.

Në duelin e luajtur në stadiumin e dytë të skuadrës, atë ?Alfredo Di Stefano?, Reali ka kaluar me shpejtësi në avantazh, falë golit të Toni Kros i cili lëshoi një gjuajtje të pakapshme në trekënëdësh që në minutën e 4-t të sfidës. Në minutën e 30 ishte Ramos i cili mori pjesë në një kundërsulm të shkëlqyer duke përshkruar 70 metra të fushës për të shënuar si sulmues i mirëfilltë në portën kundërshtare. Pak minuta më vonë, ishte Marcelo i cili çoi shifrat në 3-0 me të cilat u mbyll pjesa e parë.

Në të dytën Reali administroi më shumë lojën, ndërsa Eibar shënoi golin e nderit me anë të Bigas. Por ishte shumë pak për të rrezikuar fitoren e madrilenëve të cilët e riflluan më së miri kampionatin pas ndalesës së pandemisë, për të çuar përsëri në 2 pikë diferencën me Barcelonën kryesuese.





Lajmet e fundit nga