web counter
LEXO PA REKLAMA!

SHKARKO APP

App Store
Google Play

Eksperimenti i dritës së zezë/ Shikoni sa shpejt mund të përhapet koronavirusi në një restorant

14 Maj 2020, 09:26, Lifestyle CNA

Një video virale nga Japonia synon të tregojë sesa lehtë mikrobet dhe viruset mund të përhapen në restorante kur vetëm një person është i infektuar.

Eksperimenti është realizuar nga organizata e transmetimit publik NHK në bashkëpunim me ekspertë të shëndetit.
Videoja tregon 10 persona që hyjnë në restorant, me një të veçuar si personi i “infektuar”.

Në fund të videos, pjesëmarrësit janë hedhur nën dritat e zeza duke ndriçuar se ku është përhapur “infeksioni”.

Substanca, e përdorur për të sinjalizuar mikrobet, mund të shihet në ushqim, enë shërbyese dhe pllaka, dhe madje edhe në fytyrat e disa prej pjesëmarrësve. Ndërsa këto lloj eksperimentesh nuk janë të reja, John Nicholls, profesor klinik në patologji në Universitetin Hong Kong, tha që ata demonstrojnë se sa shpejt mund të përhapet një virus, veçanërisht kur larja e duarve nuk kryhet.

“Ajo që tregoi video, është se virusi do të përhapet në sipërfaqe dhe tek njerëzit me shumë efikasitet,” tha Nicholls për CNN, “dhe unë mendoj se me të vërtetë nënvizon nevojën e asaj që njerëzit kanë thënë për higjenën e duarve për të ndaluar përhapjen e sëmundjes”.

Kentaro Iwata, një specialist i sëmundjes infektive në Universitetin Kobe tha: “Eksperimenti thjesht përshkroi mundësinë e përhapjes përmes kontaktit, dhe kjo nuk është dëshmi e asaj që ndodhi, kështu që dallimi duhet të bëhet qartë midis asaj që mund të ndodhte dhe asaj që ndodhi”.

Por të dy ekspertët thanë se eksperimenti është një mënyrë e mirë për të treguar rëndësinë e larjes së duarve. Për hir të shkencës, Nicholls tha se do të ishte edhe më efektive të shihej eksperimenti i bërë pasi personi i “infektuar” lan duart për pesë dhe pastaj dhjetë sekonda.
“Kështu që publiku i gjerë merr një koncept të mekanizmit se sa në të vërtetë larja e duarve mund të zvogëlojë transmetimin e infeksionit,” tha Nicholls./Përgatiti CNA.al





Lajmet e fundit nga