web counter
LEXO PA REKLAMA!

SHKARKO APP

App Store
Google Play

Tomini: Nëse rritet numri i të infektuarve, nuk do ketë hapje

29 Prill 2020, 21:18, Lifestyle CNA

Shefja e Shërbimit të Inteligjencës Epidemike në ISHP, Eugena Tomini, tregoi se masat në drejtim të hapjes do të mbështeten në tre nivelet e rriskut që janë i ulët, i mesëm dhe i lartë.

Tomini tha se hapja do të monitorohet në një interval kohor prej dy javësh dhe do të vijojë më pas me lirimin e masave duke parë kufizimet dhe të lëvizjes së popullatës do të monitorohen për dy muaj.

Sipas saj, nëse do ketë rritje rastesh dhe në dy javë shkojnë 10-15 pacientë në terapi intensive nga 90 të shtruar, nuk do ketë hapje.

“Hapja do të jetë gradualisht. Rekomandohet respektimi i masave personale dhe kapacitetet në drejtim të gjurmimit të kontakteve dhe kapacitetet në drejtim të epidemiologjik. Ky kapacitet do të rritet nga 70-80 që e kemi aktualisht në 90 gjurmime. Gjurmimi është i vështirë në kohë paqe e jo më në kohë lufte. Prandaj kemi disa parametra që i kemi vendosur kundrejt nivelit të rriskut. Nëse kemi me një mesatare javore 12 raste kundrejt gati 90 pacientë të shtruar dhe prej tyre 10-15 pacientë në terapi intensive nuk bëhet faza e dytë e hapjes”, theksoi ajo në emisionin “Opinion”./ CNA.al





Lajmet e fundit nga