E fundit!

12:17 Aktualitet

Vrasja e efektivit/ Berisha: Vrasësi financohej nga fonde shtetërore

Kreu i PD-së Sali Berisha ka reaguar në lidhje me detajet ...

Fluks i madh në Morinë/ Mijëra kosovarë i drejtohen Shqipërisë

12 Gusht 2019, 09:26, Sociale CNA

Një numër i madh automjetesh po qarkullojnë nga Kosova në drejtim të Shqipërisë duke bllokuar kështu lëvizjen e lirë në doganën e Morinës.

Fluksi i mjeteve është shtuar që pas orës 03:00 të mëngjesit të sotëm, ku sipas raportimeve bëhet me dije se në vendin tonë nga kjo pikë kufitare në vendin tonë janë futur 22145 shtetas me 4058 mjete.

Policia Kufitare Morinë ka shtuar sportelet në maksimum si dhe po po aplikon procedurën e përshpejtuar për të përballuar fluksin e jashtëzakonshëm në hyrje, megjithatë nuk kanë munguar edhe masat shtes për drejtimin e qarkullimit rrugor sidomos në urën e Kukësit e cila është në rikonstruksion e sipër, por edhe kontrollet e shpeshta për të parandaluar persona të dyshuar për veprimtari të kundërligjshme, që mund të përfitojnë nga rasti.

Njoftimi i policisë:
Morinë, Kukës
Fluks i madh, në hyrjen për në Shqipëri, i shtetasve kosovarë
Prej orës 03.00 të mëngjesit kanë hyrë në RSH, 22145 shtetas me 4058 mjete.
Policia Kufitare në Morinë, që prej orëve të mëngjesit ka shtuar sportelet në maksimum dhe po aplikon procedurën e përshpejtuar për të përballuar fluksin e jashtëzakonshëm në hyrje.
Gjithashtu Policia Kufitare në Morinë po kryen kontrolle me përzgjedhje dhe sipas analizës së riskut, për mjete dhe persona të dyshuar për veprimtari të kundërligjshme, që mund të përfitojnë nga fluksi.
Ndërkohë, Policia Rrugore, për të parandaluar aksidentet dhe ndihmuar vargun e pandërprerë të automjeteve që lëvizin në drejtim të Lezhës dhe bregdetit tonë, ka shtuar prezencën e Policisë Rrugore në rrugën e kombit.
Për shkak se te ura e Kukësit po kryhen punime, Policia Rrugore ka vendosur shërbim fiks për të ndihmuar qarkullimin e automjeteve në të dyja kahet e lëvizjes.
Policia Rrugore apelon të gjithë drejtuesit e mjeteve që të respektojnë rregullat e qarkullimit, të mos parakalojnë karvanin e gjatë të automjeteve për shkak të fluksit të madh pasi rrezikojnë jetën e tyre dhe të përdoruesve të rrugës .
Shërbimet e Policisë Rrugore me mjetet logjistike në dispozicion po monitorojnë trafikun, jo vetëm në Rrugën e Kombit, por në të gjitha akset rrugore, me përparësi akset drejt plazheve të vendit dhe do të ndëshkojnë cilindo drejtues mjeti që do shkelë rregullat e qarkullimit rrugor .