Skandali/ Prokurori falsifikon dokumentat për të kaluar Vettingun

19 Korrik 2018, 08:20, Aktualitet CNA

Prokurori i Shkodrës Vatë Staka kaloi pak ditë më parë ( 3 Korrik) procesin e Vettingut pas vendimit të Komisionit të Pavarur të Kualifikimit. Por rezulton se prokurori ka mashtruar dhe ka falsifikuar dokumentacionet e paraqitura të cilat i janë vënë në dispozicion KPK për vlerësimin e aftësive profesionale.

Nga hulumtimi i sosneës i cili ka siguruar dhe dokumenta për të provuar shkeljen rezulton se prokurori ka arritur të ndryshojë aktet e fashikujve në dosjet penale të kopjeve të cilat ndodhen në Prokurorinë Shkodër.

Falsifikimi i dosjeve dyshohet se është bërë në bashkëpunim dhe me personelin administrativ të Prokurorisë Shkodër.
Sipas të dhënave Vatë Staka në bashkëpunim dhe me persona të tjerë ka arritur të ndryshojë aktet e fashikujve të procedimeve penale, të zgjedhura nga ai si akte për vlerësim dhe ato të rëna me short. Dyshimet janë se prokurori ka ndryshuar edhe shumë fashikuj të tjerë të periudhës 3 vjeçare të vlerësimit 2013-2016.

Këto ndërhyrje dalin në pah nga krahasimi i fashikujve që ndodhen në Prokurori me kopjet origjinale që ndodhen në Gjykatën e Rrethit Shkodër, ku konstatohet, ndryshim i akteve duke futur tek të falsifikuarat akte të përmirësuara nga pikëpamja cilësore dhe përmbajtësore e tyre.

Ndërhyrjet përfshijnë dhe falsifikimet e nënshkrimeve të titullarëve të prokurorisë si dhe firmën personale të prokurorit Staka, që në thuajse të gjitha aktetet e falsifikuara pavarësisht se është tentuar të imitohet është tjetër për tjetër. Si tek këto dy dokumenta që sosnews ka arritur ti sigurojë;

Cilësia e akteve në procedimet penale është një nga komponentët e vlerësimit të vettingut si pjesë e vlerësimit profesional të subjektit.

Me këto veprime në bashkëpunim, lind dyshimi i arsyeshëm se prokurori Vatë Staka ka konsumuar elemëntët e veprës penale të falsifikimit të dokumentave, mashtrim të organeve të Vettingut dhe shpërdorimit të detyrës.

Pas interesimit nga ana e sosnews në organin e akuzës, konfirmohet se ka nisur verifikimi i rastit në fjalë pas pretendimeve për falsifikim. Burime të prokurorisë i thanë sosnews se nga të dhënat paraprake rezulton se janë konstatuar mos përputhje në disa akte por për një përgjigje të detajuar dhe plotësisht të saktë është ende herët për të dhënë një përgjigje zyrtare.

Sprova e Prokurorisë së Përgjithshme dhe drejtueses së saj Arta Marku është nëse do i shkoj deri në fund të vërtetës dhe nxjerrjen para përgjegjësisë penale dhe ligjore të kolegut të saj Vate Staka apo do të heshtë dhe të bëj sikur ska ndodhur asgjë.
Nesër 19 Korrik është afati i fundit ku vendimi i dhënë nga KPK mund të ankimohet pranë Kolegjit të Posaçëm të Apelimit nga Komisioneri Publik duke përmbushur afatin 15 ditor të ankimit./sosnews.al