web counter
LEXO PA REKLAMA!

SHKARKO APP

App Store
Google Play

Vendimi për hapjen e negociatave/ Ministri i Jashtëm grek zbulon çfarë pritet të ndodhë

24 Qershor 2018, 13:36, Aktualitet CNA

Ndërsa pritet që nesër të mbahet mbledha e ministrave të jashtëm të BE-së si dhe të enjten dhe të premten mbledhja e kryetarëve të shteteve anëtare të unionit ku do të merret vendimi për hapjen apo jo të negociatave me Shqipërinë dhe Maqedoninë, Ministri i Jashtëm grek ka zbuluar çfarë pritet të ndodhë.

Sipas një deklarate për të shtyp të ministrit të jashtëm grek Niko Kotzias, gazeta greke Kathemirini shkruan se:

Franca dhe Hollanda duket se kanë rezerva për hapjen e negociatave me Maqedoninë ndërsa pritet të refuzojnë kategorikisht hapjen e negociatave me Shqipërinë.

Po ashtu kujtojmë se para disa ditësh skepticizëm ishte shfaqur edhe nga Gjermania dhe Luksemburgu, për shkak të progresit të pamjaftueshëm, por që më vonë e kanë tërhequr letrën.

Media greke shprehet se Parlamenti hollandez ka votuar kundër hapjes së negociatave me Shqipërinë kurse çështjen e Maqedonisë e kanë trajtuar veçmas. Deputetët gjermanë janë shprehur më tutje se do të ishin dakord për hapjen e negociatave me Maqedoninë vetëm me kushte strike.

Nga ana tjetër Franca e ka refuzuar plotësisht hapjen e negociatave me Shqipërinë, kurse për Maqedoninë është shprehur se mjafton që ajo të bëhet anëtare e NATO-s. /CNA.al





Lajmet e fundit nga