Zoti Ministër i Brendshëm, ku e keni Vettingun?

28 Maj 2018, 18:29, Aktualitet CNA

Nga IRMA ZABZUNI

– Gjysmën e policëve në orarin e shërbimit i gjen tek baste-live. E ndërsa Ministria e Brendshme dhe ju personalisht trumbetoni me të madhe ?rritjen e forcës goditëse ndaj krimit dhe bandave, ruajtjen e qetësisë dhe marrjen në konsideratë të çdo telefonate nga qytetarët? duket se në realitet ndodh krejt ndryshe. Në një vëzhgim të ?CityNews.al? në dy qytetet Durrës dhe Elbasan, u konstatua se ?gjysma e efektivave të uniformave blu, e shtyjnë orarin e shërbimit veç të tjerave edhe në lokalet baste-live, dhe kjo ndodh pothuajse çdo ditë, veçanarisht më e theksuar në fundjavë?. Mjafton që jut ë nxirrni në terren agjentët e SHKB, dhe do të bindeni se gjithçka është e vërtetë, aq sa e turpshme.

Zoti Ministër i Brendshëm

Ju keni disa muaj që ripërsërisni në media, dhe takime me zyrtarë të huaj mbi ?Vettingun në Polici?, dhe bëni mirë që e keni nisur si process, që duhet të spastrojë urgjentisht rradhët e uniformave blu nga elementë të lidhur me krimin dhe trafiqet. Por e dini se, të paktën në dy qytet ku ne investiguam, ka policë, madje edhe me grada, që kanë hyrë dhe kanë dalë nga komisariatet e pakta 5 deri 10 herë në këto vite. Janë larguar ata për shkelje ligjore, janë afruar pastaj sepse kanë bërë fushata partie, janë larguar sërish, sepse janë kapur nga SHKB duke ndihmuar rrjetet kriminale dhe nuk kanë lënë aferë korruptive pa provuar në kurrizin e ligjit dhe rendit e qetësisë së qytetarëve. E dini zoti Ministër i Brëndshëm, se në komisariatet e policisë në Durrës dhe Elbasan, ka policë që edhe sot e kësaj dite janë aktivë në lidhjet e tyre me rrjetet kriminale, janë aktivë në rrjetet e trafikut, dhe të skeduar edhe në arkivat e Prokurorisë si maksimalisht të korruptuar. Qytetarët në dy qytetet ku ne investiguam në Durrës dhe Elbasan, treguan nën zë (pasi kanë frikën e ndonjë rraprezalje nga uniformat blu) se ?ndërkohë që telefonojnë 112, 129 apo 126 për të sinjalizuar për akte kriminale, përgjigja nga sallat operative janë standarde shpesh edhe pa edukatë ?e morën njoftimin zotëri ik tani se merremi ne me ata?. Qytetarët treguan se ?policët e shërbimit , të Rendit apo Qarkullimit Rrugor, do ti takosh në lokalet e baste-live apo dhe bingot e qyteteve, të zbërthyer dhe pa kapelën e uniformës tyre, sikur të ishin roje hashashi, dhe jo pjesë e strukturave të shtetit duke lënë apo fituar vlera të konsiderueshme parash.

Zoti Ministër i Brendshëm

Vettingun në Policinë e Shtetit nise nga policët barkfryrë të furgonave dhe makinave që vijnë gjithë ditën vërdallë, duke mos u ardhur në ndihmë halleve dhe problemeve të qytetarëve, nise nga ata policë me grada dhe pa grada, që merren edhe gjatë orarit të shërbimit me punët e biznesit të tyre, që merren me ujdisjen e ?problemeve? që kanë miqtë e tyre që ose janë nën hetim ose që duihej të ishin në burg për vepra të ndryshme penale. Niseni Vettingun nga ata që në 28 vjet tranzicion demokratik, kanë hyrë dhe kanë dalë nga policia, duke paguar milionat e fituara nga ?nderet? që u kanë bërë miqve të tyre që në Durrës e Elbasan njihen si ?të fortët?. Kjo histori duhet të marrë fund, duhet të marrin fund historitë e batakçinjve që akoma ndodhen në komisariatet e policisë të veshur me uniformën blu, të atyre që ditët bëjnë sikur punojnë dhe natën puthen me ata që u japin rroga të majme për aksionet e dekonspiruara apo punët e tjera të ndyra që kanë diskredituar Policisë e Shtetit. Ata Vettingu jo vetëm duhet ti flakë nga policia, por fatin e tyre duhet ta vendosë Prokuroria. Qytetari duhet të jetë aleati më i ngushtë i Policisë Shtetit, por me elementë të tillë të lidhur me rrjetet e trafikut dhe krimin, qytetari është kthyer në mosbesues ndaj asaj që ju zoti Ministër i Brëndshëm deklaroni çdo ditë. Ka ardhur koha e futjes në polici të djemve të rinj dhe vajzave të reja, të shkolluar dhe të paimplikuar, duke larguar me turp të diskredituarit që kanë ndotur uniformën blu.