web counter
LEXO PA REKLAMA!

SHKARKO APP

App Store
Google Play

E fundit!

x

Meçollari spiun?/ Deputeti i Bashës kundër Berishës

27 Shkurt 2018, 11:23, Aktualitet CNA

Dje ish-kryeministri Sali Berisha hodhi akuza të forta në drejtim të  Artur Meçollarit, i zgjedhur në ekipin negociator të bisedimeve me Greqinë, duke e quajtur spiun.

Por ish-shefi i Shtabit të Përgjithshëm, Xhemal Gjunkshi, aktualisht deputet i Partisë Demokratike, ka dalë kundër Berishës, ndërsa ka vlerësuar përgatitjen ushtarake të Artur Meçollarit të trajnuar, sipas tij nga Shtetet e Bashkuara të Amerikës.

I pyetur nga gazeta ?Panorama?, Gjunkshi tha se kur ishte në krye të Shtabit të Përgjithshëm të Forcave të Armatosura nuk ka parë ndonjë raport të SHIU-t se Meçollari ishte spiun.

?Unë nuk kam pasur asnjë informacion në lidhje me largimin e tij nga shërbimi ushtarak. SHIU varej nga ministri i Mbrojtjes dhe nuk kishte lidhje me Shtabin e Përgjithshëm. Unë personalisht nuk mbaj mend që të kem lexuar një raport apo informacion që Artur Meçollari ka bërë shkelje të detyrës apo ka bashkëpunuar me agjentura të huaja. Nuk mund ta them këtë, sepse nuk e disponoj këtë informacion. Por si individ dhe si ushtarak, Artur Meçollari ka vlerësimet e mia maksimale, është overqualified, kanë investuar Shtetet e Bashkuara të Amerikës jashtëzakonisht për kualifikimin dhe trajnimin e tij?, tha Gjunkshi.

I pyetur nëse sheh paradoks te trajnimi i Meçollarit nga amerikanët dhe akuza për spiunazh, Gjunkshi tha se nuk i komenton dot akuzat.





Lajmet e fundit nga