web counter
LEXO PA REKLAMA!

SHKARKO APP

App Store
Google Play

Vettingu “në dorë” të hipotekave/ Bllokohet procesi, nuk i binden ILDPKI

7 Shtator 2017, 10:31, Aktualitet CNA

Zbatimi i procesit të Vettingut duket ende shumë larg.

Teksa ILDKPI po ecën me ritme të shpejta për verifikimin e pasurisë së gjyqtarëve dhe prokurorëve, zyra e Hipotekave është shndërruar në një pengesë për ta. Midis dy institucioneve nuk ka bashkëpunim, duke bërë që procesi i Vettingut të ngecë sërish.

Në një shkresë e cila mban datën 24.08.2017, ILDKP ka kërkuar nga Hipoteka që të verifikojë nëse gjyqtarët dhe prokurorët kanë shitur apo blerë pasuri të patundshme deri në datën 31 janar 2017. Po ashtu për çdo të dhënë është kërkuar që të ketë kopje të dokumenteve zyrtare, që vërtetojnë ndryshimin e pronësisë.

Zyra e hipotekave jo vetëm që nuk respekton afatet zyrtare për dhënien e informacioneve, por ka pasur raste të shumta ku nuk i janë përgjigjur aspak kërkesave të ILDKPI.

Një situatë e tillë ka ndodhur edhe disa muaj më parë, që ka detyruar drejtoreshën Blerina Doracaj t?u niste një shkresë ku i ka paralajmëruar se nuk do të toleronte asnjë vonesë si dhe ka kërkuar që të jenë të sakta të dhënat, pasi ILDKP ka konstatuar dhe parregullsi në kthimin e përgjigjeve, por kjo shkresë nuk është marrë shumë parasysh nga ZVRPP.

Zyrat e Hipotekës janë bërë gangrena jo vetëm e administratës, por dhe e Vettingut./CityNews





Lajmet e fundit nga