E fundit!

11:44 Aktualitet

Prej 5 orësh pa drita/ Disa zona në Tiranë mbeten pa energji në mes të temperaturave ekstreme

Një defekt i rëndë në rrjetin elektrik ka shkaktuar ndërpr...

Drejtori Çako dhe Gjen.major Dushku “rilindin” Estradën e Ushtarit me 4 tonët e “barit”

7 Shtator 2017, 10:07, Aktualitet CNA

Kapja nga financa italiane e një jahti me nja 4 ton ?bar? prodhim shqiptar e detyroi Drejtorin e përgjithshëm të Policisë së Shtetit z. Cako të ridhte (leak) në media një shkresë të tijën të drejtuar ministrit teknik Kol. Demirajt. Shkresa zyrtare vinte alarmin se radarët goxha modernë të markës ?Lockheed Martin? nuk punonin, kështu që ishte vështirësuar shumë mbikqyrja e hapsirës detare shqiptare. Nënteksti ishte i qartë: Policia shqiptare nuk i kap skafet, gomonet e jahtet ngarkuar me ?bar? jo se nuk do apo larg qoftë ndan paratë me skafistët, por për shkaqe objektive: Mrikës së mbrojtjes nuk i punokan?.radarët!

Shkresa mund edhe të shprehte të vërtetën, sepse realisht mirëmbajtja e radarëve ka kaluar në një kalvar korrupsioni, ku ndër të tjera firma fituese e tenderit të mirëmbajtjes, që mundi në garë vetë firmën prodhuese amerikane, ishte regjistrusar në QKR si një kompani, që importonte e shiste me shumicë e pakicë celularë, pjesë këmbimi dhe aksesorë për to!!!

Mrikës na i punokan radarët!

Orët e mbasdites të së mërkurës së 6 shtatorit realisht ofruan surpriza. Mrikës nuk na i ishin qorruar radarët! Ministria e Mbrojtjesë lëshon një deklaratë, ku thekson se radarët, që vëzhgojnë hapsirën detare shqiptare punojnë si orë zvicerane 24 orë gjatë 7 ditëve të javës. Deklarata mban firmat e gjen/major Zyber Dushkut drejtorit administrativetë QNOD-së në Plepa të Durrësit dhe hapu dhe të futemi firmën e ?Geishës? Aida Hajnaj me gradën drejtuese e lartë, drejtoreshë e Departamentit për kufirin dhe emigracionin po në Ministrinë e Brendshme, ku z. Cako është Drejtor i përgjithshëm i Policisë së Shtetit.

Fillon Estrada e Ushtarit

Që në këtë moment, nuk kemi më jo Shqipëri të Rilindur por as minimumin e seriozitetit shtetëror. Realisht kemi një ringjallje të humorit të trashë, banal e mere me lëng se mishi mbaroi tipik për Estradën e Ushtarit në kohën e Dullës. Xhanëm kemi një dilemë hamletiane: Kë të beosjmë një general major Dushku apo një drejtues të parë Cako? Genjen goxha officer si Dushku apo gënjen një alamet polic si Cako? Për ta bërë edhe më të këndshme ?gallatën? me sigurinë kombëtare të Shqipërisë e të më së paku të Italisë fqinje, aleate në NATO dhe mike vartësja Hajnaj e Cakos me firmë e vulë na e nxjerr Hakiun ose budalla, se firmos shkresa për ministrin e vet në tym pa e ditur gjendjen reale, ose maskara, që me shkresë zyrtare mashtron ministrin e vet ish kolonel shumë të dekoruar komando! Imagjinoni ?geisha? drejtoreshë Aida t?i nxjerrë bojën ?samurait? drejtor Cako!

Shteti shqiptar te niveli i Dr. Grillos së Italisë

Sinqerisht më vjen keq që shteti shqiptar i rilindur gjatë katër viteve të Qeverisë Rama të ketë përfunduar në këtë derexhe! Kjo histori, kur vartësja me firmë e me vulë nxjerr rrenacak shefin, më kujton meselenë e Dr. Grillos shefit të palavdishëm të Misionit ?Interforze?, i cili për të mbrojtur ministrin e atëhershëm Tahiri deklaroi me zë e figurë për Televizionin kombëtar pro qeveritar ?Top Channel? se avioni i rradhës i kapur me drogë nga italianët, nuk kishte mbërritur në Itali nga Shqiëpëria. Këtë deklaratë Dr. Grillo i mjerë e bëri pasi kishte dalë komunikata zyrtare e Policisë së Shtetit (Polizia di Stato), ku theksohej se aviodroga ishte nisur nga Shqipëria. Kështu Dr. Grillo u kthye në një personazh të ?Aventurave të Pinokut? të quajtur Grillo Parlante. Në rastin tonë vartësja Aida nën shembullin e Grillo-s italian përgënjeshtroi eprorin e saj Haki, njëkohësisht me4një firmë e një vulë e shndërroi luftën kundra drogës të institucioneve shtetërore shqiptare në një kuplet të pështirë tipik nga ato të ?Estradës së Ushtarit? të qëmotit!

GJERGJ THANASI

Sapo mbaruam shkrimin, na erdhi një ?sheqer haber? nga Xhoja Tauro (Gioia Tauro) se financa (përsëri kjo GDF-ja) italiane kishte kapur në një kontejner plot me qymr druri, 52,7 Kg. kokainë puro e nisur nga Porti Asuncion i Paraguait për në Portin Haifa të Izraelit. Për t?i rënë shkurt rrugës kontejneri me qymyr druri e kokainë puro do shkarkohej një herë në Durrës e më pas Kompania ZIM do e transportonte me anije tip ?feeder? për në Haifa. Normal po të shohësh hartën e kupton menjëherë se rruga më e shkurtër nga Kalabria në Izrael kalon ngaq Shqipëria (Durrësi). Kot nuk thotë populli: Uju, ujku (?Bari?), por cakalli (?e bardha?) bën kërdinë!

/Citynews