web counter
LEXO PA REKLAMA!

SHKARKO APP

App Store
Google Play

E fundit!

x

Hipokrizia e pafund e Ilir Metës!

25 Korrik 2017, 10:35, Aktualitet CNA

Dje ish kreu i LSI, ish kryeministri i vendit, ish kryetari i Kuvendit Ilir Meta, mori detyrën e Presidentit të Republikës.

Një post që kërkon një politikan bashkues dhe mbi palët, detyrë të cilën Ilir Meta vështirë se mund ta kryejë.

Një muaj më parë, Presidenti i sotëm, ishte në çdo cep të Shqipërisë, ku kërcënonte, shante dhe villte vrer, ndaj qeverisë dhe kryeministrit që kishte ndarë pushtetin në 4 vite.

Sulmonte si i çmendur opozitën, a thua se ia kishte fajin Lulzim Basha që në katër vite, Ilir Meta në qeveri me Edi Ramën u përpoq ta fshihte kokën  si struci nga përgjegjësitë e qeverisjes.

Dje njeriu i akuzuar për vjedhjen e e floririt në Kërrabë. Njeriu që udhëhoqi dhe inskenoi masakrën elektorale të vitit 2001. Njeriu që çoi në opozitë socialistët.

Ai që u kap me bllok në dorë dhe për të cilin u vranë 4 të pafajshëm me 21 janar, 2011. Njeriu i aferës qindra milionë euro ÇEZ-DIA.

Ky, pra Ilir Meta, që nga dita e djeshme do të jetë president i Republikës, por hipokrizia nuk ka të ndalur. Dje, në ceremoninë e përfunduar me 21 të shtena topi, në fjalën pas betimit, sillej si politikani që do të qëndroj mbi palët, duke mohuar gjithçka, sikur të gjitha ato që thamë më lart nuk kanë ekzistuar kurrë.

Hipokrizi apo tallje me qytetarët nga çeta politike që drejton Shqipërinë, ku Ilir Meta i vënë në krye të shtetit, e simbolizon më së miri atë.

Tashmë do të kemi një President jo vetëm të akuzuar si hajdut dhe të korruptuar, por edhe një President hipokrit që mund të mbajë detyrën dhe postin më të lartë të kreut të shtetit, por kurrsesi nuk mund të jetë Presidenti i të gjithë shqiptarëve./CityNews





09:15 Aktualitet

Urime legen!

Nga  Ilir LEVONJA1) Duhet të ketë qënë viti 2011 kur në atë ...

Lajmet e fundit nga