web counter
LEXO PA REKLAMA!

SHKARKO APP

App Store
Google Play

Polici qëlloi mbi dajën/Zbardhet atentati në Krujë

17 Maj 2017, 20:00, Aktualitet CNA

Policia e Krujës ka zbardhur atentatin e ndodhur mëngjesin e sotëm, ku u plagosën dy persona. Pak orë pas ngjarjes, uniformat blu kanë vënë në pranga autorin e dyshuar.

Sipas të dhënave zyrtare, është vënë në pranga 36-vjeçari Oltion Suta, polic në Burgun e Zaharisë, Krujë. Kapja e tij u bë pas një kontrolli të imtësishëm të territorit nga ana e policisë së Krujës.
Ngjarja ndodhi mëngjesin e sotëm rreth orës 06:45, ku Suta në ambientet e një lokali, në afërsi të stadiumit në Krujë, pas një konflikti çasti për motive të dobëta është konfliktuar me dy shtetas, një prej të cilëve daja i tij.

Në debat e sipër ka plagosur me armën e shërbimit, pistoletë TT shtetasit R.SH. (daja i të arrestuarit) rreth 62 vjeç dhe G.G. (plagosur lehtë në dorë) rreth 47 vjeç, banues në Krujë.

Të dëmtuarit ndodhen në Spitalin Ushtarak Tiranë ku shtetasi R.SH. ndodhet nën kujdesin e mjekëve ndërsa shtetasi G.G. është jashtë rrezikut për jetën.

Gjatë këqyrjes së vendit të ngjarjes është gjetur arma e zjarrit tip pistoletë TT dhe një gëzhojë. Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale? Vrasja në rrethana cilësuese? e mbetur në tentativë./CityNews





Lajmet e fundit nga