web counter
LEXO PA REKLAMA!

SHKARKO APP

App Store
Google Play

E fundit!

x

A ka jetë pas vdekjes?/ Ja çfarë thonë ekspertët

13 Mars 2017, 22:15, Aktualitet CNA

Jeta mund të vazhdojë edhe pas vdekjes ? vetëm se në gjendje gjumi. Ekspertët kanë zbuluar të dhëna shkencorë që tregojnë se truri i një njeriu mund të vazhdojë të funksionojë edhe pasi ai ka vdekur klinikisht.

Mjekët kanadezë tregojnë rastin e një pacienti, truri i të cilit vazhdoi të funksiononte për 10 minuta pas pushimit të zemrës. Valët e trurit të tij ishin si ato që ne kemi normalisht gjatë gjumit të thellë. Mjekët e përshkruajnë këtë rast si të jashtëzakonshëm dhe të pashpjegueshëm.

Hulumtuesit shkencorë nga Universiteti ?Western Ontario? në Kanada matën impulset elektrike në trurin dhe rrahjet e zemrës së katër pacientëve pas heqjes së aparaturave me anë të të cilave mbaheshin në jetë.

Në tre prej rasteve, truri pushoi së funksionuar para zemrës. Ndërsa tek njëri rast, truri i pacientit vazhdoi të funksiononte edhe pas pushimit të zemrës.

Tek të katër pacientët regjistrimet e trurit ishin shumë të ndryshme, që do të thotë se të gjithë njerëzit e  përjetojnë vdekjen në mënyra unike.

Eksperimenti ngre pyetje të tjera në lidhje me vdekjen e një njeriu dhe nëse ka mundësi apo kur mund të përdoren organet e tij për dhurim.

Shkencëtarët thonë se është shumë herët për të folur se çfarë mund të thotë kjo për jetën pas vdekjes, sidomos duke marrë në konsideratë se ka ndodhur vetëm tek njëri pacient.





Lajmet e fundit nga