web counter
LEXO PA REKLAMA!

SHKARKO APP

App Store
Google Play

E fundit!

x

Shezai Rrokaj në Sarandë e Delvinë/ LSI-ja nuk është vetëm e Ilir Metës, është e gjithë secilit prej nesh

30 Tetor 2016, 12:11, Aktualitet CNA

Në kuadër të zgjedhjeve të 6 nëntorit, kandidati për Kryetar i LSI-së, Shezai Rrokaj zhvilloi takime me strukturat e Lëvizjes Socialiste për Integrim në Sarandë dhe Delvinë.

Gjatë këtij takimi, kandidati për kryetar të LSI-së theksoi se gara për datën 6 nëntor është një garë alternativash, një garë mendimi dhe idesh.

?Sa vlen akti i votës, nuk vlen për kë jepet vota. Unë si intelektual, problemin tim e kam me mendimin tim, me çfarë do të them. Mua më janë krijuar të gjitha mundësitë siç tregon edhe ky takim që kudo të kem të drejtën të shpreh hapur mendimet e mia. LSI-ja nuk është vetëm e Ilir Metës. Partia është e gjithë secilit prej nesh. Partia është pronë e çdo anëtari. Shqiptarët kanë nevojë për projekte. Një vend shumë i begatë, me detin, me fushat, me malet, me një rini, është e pakonceptueshme se si ky vend të mos bëjë hajër, njerëzit të mërziten, njerëzit ta braktisin atë?, tha Rrokaj.

Më tej,  Rrokaj u shpreh se LSI duhet të investojë për rininë, duhet të investojë për familjen, duhet të investojë në kuptimin e hapjes ndaj cilësisë së përfaqësimit. /Citynews





Lajmet e fundit nga