Intervista Ben Blushi: Ramën e kam marrë unë në PS/Jam në opozitë, por opozita nuk është Basha

25 Tetor 2016, 20:16, Aktualitet CNA

Ben Blushi pritet që pas disa ditësh të prezantojë projektin e tij politik, për të cilin është folur ditën e fundit. Ndonëse fillimisht u tha se do të kishte emrin ?Lista?, ai sqaron se do të ketë një tjetër emërtim. Por ndonëse nuk pranon të japë më shumë detaje nga ky projekt politik, Ben Blushi sqaron qëndrimet e tij politike dhe idetë që kërkon t?i vërë në zbatim.

I ftuar në studion e ?News 24?, në emisionin ?Studio e hapur? të gazetares Eni Vasili, Ben Blushi i është përgjigjur pyetjeve të opinionistëve Robert Rakipllari dhe Alfred Lela.

Deputeti Blushi sqaron edhe arsyet e largimit të tij nga PS, mundësitë për një rikthim në këtë parti, apo koalicionet e mundshme me partitë e tjera, të vogla apo të mëdha, në zgjedhjet e ardhshme në vend.

INTERVISTA
Eni Vasili: Një javë më parë këtu ka qenë kryeministri i Shqipërisë, Edi Rama që bëri edhe artikulimin e tij të parë në lidhje me largimin tuaj nga Partia Socialiste. Nuk e di nëse e keni ndjekur? Nëse jo unë po e ritransmetoj? Në vazhdim ju thatë që po përgatisnit dy libra, një për errësirën dhe një për dritën. Cila është errësira dhe cila është drita?

Ben Blushi: Në radhë të parë po them se jam këtu, jam këtu për shkak se bashkë me një kolegen time deputete, por dhe me shumë të tjerë kemi vendosur të dalim nga Rilindja, të dalim jo vetëm ?de fakto? por edhe ?de juro?, për arsye që nuk vareshin nga unë dhe zonja Hafizi, ne vendosëm të divorcoheshim me një parti ku kishim qenë për 20 vite në kushtet kur ajo pushoi së qeni një parti demokratike, në të cilën hyn me vullnet të lirë për sa kohë beson tek një program dhe tek njerëzit që janë aty. Në rastin tonë ky besim u shua me kalimin e kohës. Dua të kujtoj që nën poshtërimin e Rilindjes dhe me një kërkesë meskine dhe frikacake të Edi Ramës u mor vendim personal për mua meskin për të më hequr të drejtën e garës. Kjo ndodhi 6 muaj më parë. Partia më e madhe në Shqipëri u mblodh për të vendosur se Ben Blushi nuk ka të drejtë të garojë për kryetarin e Partisë Socialiste.

Eni Vasili: Kemi qenë në këtë studio kemi folur gjatë?

Ben Blushi: Po kjo është një nga arsyet më themelore që vendosa të iki, çka nuk ka ndodhur kurrë, që një parti të marrë vendim që dikush nuk ka të drejtë gare.

Eni Vasili: Opinionin e kryeministrit e dëgjuat. Çfarë mendoni, e pyeta për largimin tuaj, tha s?keni bërë asnjë punë?

Ben Blushi: Edi Rama nuk ka kapacitetin për të vlerësuar punët me të cilat unë jam marrë, por sigurisht një nga punët që unë kam bërë është fakti që është aty ku është . Kjo është e vërtetë.

Eni Vasili: Që do të thotë?

Ben Blushi: Një nga punët që unë kam bërë në jetë i ka prirë si të thuash Edi Ramës, sepse edhe për shkakun tim është aty ku është edhe në politikë edhe si kryetari i PS. Nuk ka kapacitet për të vlerësuar këtë gjë dhe unë nuk dua t?i hy këtij debati. Nuk kam asnjë interes të bëj debat me anëtarët e Rilindjes, por diçka sigurisht mund ta them. Dikur kur e pashë thashë me vetë çfarë sovjetiku është ky, që mendon edhe se librat e një shkrimtari janë produkt i partisë. Se këtë mendon. Vetëm në kohën e Partisë së Punës ata që drejtonin këto idiotësira thoshin shkrimtarët janë produkt i partisë. Kështu foli edhe Edi Rama, sigurisht është një njeri shumë i vjetër. Unë kam dalë për ta mundur atë dhe të gjithë ata që janë si ai. Është tmerrësisht i vjetër ka 18 vite në politikë dhe kam përshtypjen është duke na lodhur të gjithëve.

Robert Rakipllari: Nëse ju thatë që s?ka kapacitet për të gjykuar punët tuaja, të paktën një ndjesë publike duhet ta bëni që keni luftuar me të nja 10 vite që të bëhet kryeministër?Nëse ka pasur kaq pak kapacitet i bie të keni gënjyer ju?

Ben Blushi: Nuk kam dalë për të bërë bilancin e ndereve që kam bërë?

Robert Rakipllari: Nuk është nder ai?Po në raport me interesin publik a ke ndonjë përgjegjësi?

Ben Blushi: Interesit publik i thashë që po iki nga një ndërmarrje private. Ditën që konstatova se ajo u kthye në ndërmarrje private dhe ky u bë drejtor i ndërmarrjes, unë jam duke mbrojtur interesin publik, jo vetëm duke folur por edhe duke vepruar.

Robert Rakipllari: Po një ?mea cupla? që ke ndihmuar që ai të bëhet kryeministër?

Ben Blushi: Kjo është një mënyrë gazetareske për të deformuar atë që thashë. Ajo për të cilën jam përpjekur dhe nuk bëhem pishman, është që partia ku isha të vijë në pushtet. Nuk kam kërkuar që një njeri të bëhet kryeministër dhe të privatizojë partinë.

Robert Rakipllari: Brenda PS thuhet se juve e bëni këtë se nuk keni qenë në ekipin e zotit Rama për të qeverisur vendin?

Ben Blushi: Zoti Rama ka qenë në ekipin tim. Në fakt ditën kur e kam marrë, po nuk dua se i takojnë një faze më të shtyrë të jetës sime. Nuk kam shumë kohë të merrem me Edi Ramën se është humbje kohe.

Robert Rakipllari: Po Edi Rama është kryeministër i vendit?

Ben Blushi: Dua të flas për projektin tim zotëri. Ky i tiji është një projekt i dështuar ku nuk bëj më pjesë.

Alfred Lela: Një grupim ish kolegësh, miqsh flasim për zemërimin tuaj, këtë lloj distance, sulmi e keni bërë se Rama s?ju ka dhënë postin e një ministri?

Ben Blushi: Për njerëzit që më njohin, e dinë që unë kam ikur në përgjithësi nga punët që kam pasur. Në vitin 2017 kam qenë kryetar i grupit parlamentar dhe ika, nuk më konkurronte njeri.

Alfred Lela: Kush donte ta zinte vendin?

Ben Blushi: Askush nga ata. E lashë për moral. Siç kam qenë disa herë për të ikur nga qeveria. Këta që më kujtojnë punët, dua t?ju kujtoj se Rama ka që nga viti 1998 që është vetëm në pushtet, 18 vjet. 18 vjet barrë. Kë përfaqëson? Shekullin e kaluar, është i vetmi kryeministër që qeveris që nga shekulli i kaluar, nuk ka në Europë. Është po aq i vjetër sa Saliu. Ky është një debat i mbyllur, nuk dua të bëj debat me punëtorët e Edi Ramës në ndërmarrjen Rilindja.

Alfred Lela: A do ta falni edhe një herë të tretë Edi Ramën?

Ben Blushi: Ky është muhabet domino, nëse Edi Rama më shkel një ditë këmbët dhe më bën të dyja këpucët pis natyrisht që do ta fal.

Alfred Lela: Po flasim për falje politike?

Ben Blushi: Unë jam futur në një projekt të ri politik, i cili ka qëllimet e veta. Nuk është projekt personal që unë të vendos gjithçka. Ky projekt sa ka filluar, unë nuk mund të bëj asnjë parashikim se çfarë do bëjnë të tjerët. I vetmi parashikim që mund të bëj është se si do sillem unë të paktën në 6 muajt e ardhshëm deri në zgjedhjet 2017. Nuk më intereson asnjë nga komshinjtë e mi politik

Alfred Lela: Po bëjmë një parashikim, në Qershor korrik a do pranoni ju një aleancë me zotin Rama?

Ben Blushi: Bëjmë çfarë parashikimesh të doni, Por po ju them se ky projekt politik akoma nuk është publik. Kam 3 apo 4 muaj që nga qershori që kam vendosur të iki nga Rilindja. Ne jemi një grup i madh me shumë shqiptarë të zakonshëm, njerëz të lirë në një kuptim.

Eni Vasili: Sa shumë mund të kemi një ide?

Ben Blushi: Nuk ka rëndësi të të them nga 1 mijë deri dy mijë. Po them se jemi shumë njerëz për të krijuar një program të ri politik që do ta shpallim shumë shpejt. Nuk është vendimi im por vendimi një grupi të madh njerëzish prandaj unë nuk e di çfarë do bëjmë në 2017. Ajo që unë di është se për çfarë do qëndrojmë ne, çfarë do mbrojmë, cilat shtresa të shoqërisë do apelojmë, çfarë politikash ekonomike do ndjekim, si do organizohemi. Vetëm pas këtyre gjërash do shohim raportin me partitë e tjera, të cilat sot nuk janë në fokusin tonë.

Eni Vasili: Duhet ta keni një ide se çfarë do bëhet me partitë e tjera?Duhet të ketë një lloj koherence në rast se ju thoni se Edi Rama është një e keqe kaq e madhe..

Ben Blushi: Ky nuk është vendimi im është një lëvizje?Nëse do kisha një votë nuk do ta jepja që Edi Rama të jetë sërish kryeministër, në asnjë rast. Kjo është e sigurt. Në parlament apo jashtë parlamentit nuk do ta jap kurrë.

Alfred Lela: Nëse ka një mocion mosbesimi për qeverinë ju do jepni votën?

Ben Blushi: Unë jam në opozitë zoti Lela, Kam dalë me vullnet në opozitë?

Gazetari Lela: Kur thoni në opozitë jeni edhe me Bashën?

Blushi: Jo jo, jam në opozitë, por opozita nuk është Basha. Unë jam në opozitë me qeverinë. E nuk ka lidhje me Bashën. Opozita nuk barazohet me Bashën. Në këto 25 vite a ke parë një njeri që të ketë ikur nga qeveria në opozitë. Kjo nuk ka ndodhur, ndërsa e kundërta ndodh rëndom. I janë shtuar 7 mandate qeverisë pasi ikën nga opozita. Nëse ka qoftë edhe një mundësi për ta rrëzuar këtë qeveri, unë votoj pro.

Eni Vasili: Rama javën e kaluar tha se nuk është e vërtetë se i kemi kërkuar ndonjëherë votën Blushit.

Blushi: Me janë lutur. Në Korrik ky drejtori i Rilindjes, bashkë me punëtorët e vet më janë lutur në kuptimin e plotë të fjalës që t?i mbaja në pushtet në kohën kur menduan se Meta po ikte. Më janë lutur për t?i votuar se s?kishin numra. Në korrik qeveria pothuajse po binte.

Rakipllari: Roli juaj është i paqartë në gjithë këtë histori? Çfarë ka ndodhur?

Blushi: Roli im?! Kur qeveria rrezikonte të dilte në pakicë për shkak të mungesës së numrave në Parlament, na kërkuan që unë dhe Hafizi të mbështesnim qeverinë. Kam kërkuar vetëm një gjë, sepse unë nuk kisha dalë nga PS në atë kohë, isha akoma e jure. Kam dalë para një javë, që më çliron nga disa detyrime. U thashë që kjo mund të ndodhë vetëm me një kusht, që të kthenin zgjedhjet e lira brenda PS. Për sa kohë hoqët zgjedhjet dhe më hoqët mua dhe shumë të tjerëve mundësinë të zgjedhin dhe të zgjidhen, atëherë mund ta jap votën tuaj për ju.

Eni Vasili: Pra Edi Rama gënjen thoni ju me këtë përgjigje?

Blushi: Po kushdo që njeh Ramën dhe mua e di që unë s?e kam këtë zakon të paktën.

Rakipllari: Projekti juaj politik tashmë është bërë i ditur për publikun. Ne njohim vetëm besueshmërinë tuaj si figurë politike, qëndrimin tuaj kritikues brenda mazhorancës, shpeshherë me të drejtë, dhe sot keni një staturë politike më të lartë sesa e kishit në 2013, kur i kërkuat shqiptarëve të votonin Ramën kryeministër.

Blushi: Nuk e kam kërkuar këtë, kam kërkuar të votojnë PS.

Rakipllari: E keni thënë kur keni dalë me Ramën në fushatë, keni qenë kryesues në qarkun e Elbasanit?

Blushi: Ne hymë në një palë zgjedhje për të sjellë në pushtet partinë ku bëjmë pjesë, që përcjell mendimet apo idetë që ne kemi. Unë nuk kam dalë që të sjell një njeri në punë, apo t?i gjej një punë Edi Ramës. Kam hyrë në politikë për të mbështetur disa mendime apo ide që kam. Kur pashë që ajo parti ku isha nuk i përfshin më këto ide, kam dalë. Shkoj pas ideve, jo pas njerëzve, dhe kjo më dallon.

Rakipllari: Në këtë moment ne dimë vetëm Blushin, por jo projektin tuaj politik. A është projekt ideologjik apo pragmatik?

Blushi: Unë nuk kam bërë asnjë deklarim. Ky nuk është vendim personal por i shumë njerëzve, të cilët kanë po aq të drejtë sa unë. Unë dua mos kem të drejtën që të kem çdo të drejtë. Ne përpiqemi të krijojmë një projekt politik që do përpiqet të garojë në zgjedhje, pra kërkon mbështetje për idetë e veta. Do të kërkojë mbështetje në territor. Por për sa kohë ky projekt është i pashpallur, brenda disa ditëve do të jetë publik, do të gjykoni atëherë nëse do jetë ideologjik, pragmatik apo i qendrës. Nuk mund të flas për një gjë që nuk është publike.

Rakipllari: Projekti juaj është i majtë, i djathtë apo i qendrës?

Blushi: Ne ende nuk jemi shpallur me një projekt të një force politike, pasi kështu duhet të jetë që në ditën e parë të saj. Ky do të jetë një projekt kryesisht në qendër. Parë nga pozita e Alfred Lelës unë mund të dukem më djathtas nga sa do të donte ai të isha, sepse ai do donte që unë të isha një ekstrem i majtë. Spektri politik është nga ekstremi i majtë në ekstremin e djathtë, kjo detyron shumë njerëz si Alfredi që ta kthejnë kokën njëherë djathtas, një herë majtas. Unë nuk i iki fare ideve të mia. Po përpiqem të pajtoj idetë e mia me të tjerët. Ky nuk është projekt personal i imi. Po përpiqem të pajtoj idetë e mia me njerëz që nuk mendojnë njësoj si unë. Duhet të gjejmë të mesme që janë të pranueshme për të gjithë. Çfarë po ndodh sot në Shqipëri? Për arsye që mund t?ua argumentoj po flas për partitë e mëdha, kemi dy parti të djathta, që konkurrojnë me njëra-tjetrën, dhe prandaj ndajnë gjithnjë e më pak elektorat, dhe janë gjithnjë e më pak të dallueshme nga njëra-tjetra, këto janë Rilindja dhe PD-ja. Këto të dyja janë identike, dhe parë nga pozita e tyre?

Rakipllari: Po nuk janë identike, njëra ka taksë të sheshtë, tjetra taksë progresive?

Blushi: Të dyja kanë taksë të sheshtë. Tatim-fitimi sot është 15 %, Saliu e kish 10 %, diferenca është në vlerë, por jo në shkallë. Ndërsa unë dua një taksë progresive. Taksa mbi pagën ka një lloj progresiviteti, por ajo që unë flas, dhe ajo që bën dallimin mes një pozicioni ekstrem të djathtë, është sa taton kapitalin, e jo të varfrin. Kapitali tatohet njëlloj. Saliu e kishte 10 % për të gjithë, ndërsa Rama e ka 15 % për të gjithë. Sot taksohet, puna, dividenti, qarkullimi, të pasurit, që kanë kompanitë. Këta tatohen dy herë, njëherë për xhiron e një herë për fitimin. Këto lloj taksash janë të ndara. Por Rilindja dhe PD janë identike për mënyrën sesi trajtojnë kapitalin. Unë mendoj se Shqipëria ka disa çështja për të zgjidhur, që si të jesh i majtë, i djathtë, i qendrës, duhet të adresohen. Shqipëria sot është vendi më i polarizuar në Europë. Ka një pabarazi të theksuar, jo pasurore, por kulturore, sociale, asetesh, depozitash. Kjo bën që një vend kaq i polarizuar me vetëm 5 % që kanë pjesën më të madhe të pasurisë se 95 %, ky vend duhet balancuar, sepse çdo lloj polarizimi ekstrem, do të na çojë në ekstrem. Kjo nuk më bën të majtë. Unë kërkoj që shteti të ndërhyjë për të rregulluar tregun. Për 15 vite drejton tregu, dhe e ka kthyer vendin në një xhungël. Nuk po flas për defektet e tregut në vetvete, por për tregun në Shqipëri, që krijon korrupsion, pabarazi.

Rakipllari: Blushi po thotë që taksat e Ramës, janë njëlloj si edhe taksat e Berishës. Dhe unë po them që taksa mbi punën, qoftë edhe mbi kapitalin është progresive, sepse ata që marrin rroga të ulëta nuk paguajnë fare dhe unë tatohem 23%.

Blushi: Nuk po flasim për këtë ngatërron pronarin me punëtorin. Pronari duhet të paguajë më shumë se sa punëtori. Ky është thelbi i sistemit të drejtë. Ta them pse?

Rakipllari: po duhet të kesh një standard zotëri. Kur flet për importin e plehrave përmend rajonin. Sa i ka taksat e biznesit rajoni, sa i ka Maqedonia? E di që po shkojnë gjithë bizneset në Maqedoni?! A flasim për zhvillim?

Blushi: Shko voto për Lul Bashën se premton ta ulë taksën edhe më pak se Saliu.

Rakipllari: Se kë do votoj unë është histori tjetër ajo. Po flasim si do zhvillohet vendi, Blush. Si do zhvillohet që pastaj të ndash pasuri. A ke projekt për zhvillimin?

Blushi: Unë nuk jam konkurrenti jot dhe ti nuk je konkurrenti im fare. Pra, unë konkurroj për zgjedhje, pra për vota, ti konkurron për simpati.

Rakipllari: Po flasim për raportin me të vërtetën.

Blushi: Kështu që mos u acaro me mua dhe unë nuk kam asnjë acarim me ty dhe më lejo të shpjegoj. Ajo që po të shpjegoj është që unë nuk kam asnjë pikëpamje nga ajo që mund të mendoni se mund të kem për ta çuar kapitalizmin në socializëm puritan, absolutisht nuk mendoj këtë gjë. Mendoj që kapitalizmi i harmonizuar me demokracinë, me lirinë për të konkurruar në një sistem ku shteti të mbron të drejtat dhe konkurrenca nuk cënohet, ky sistem kapitalizmi duhet zbutur, sepse nëse lihet në mëshirë dhe pa fre ky kthehet në një problem për shoqëritë, sepse krijon një pabarazi absolute, e cila ndikon në cilësinë e jetës së një populli apo të një shoqërie. Pra, unë jam për të zbutur kapitalizmin dhe kjo nuk është një ëndërr e imja. E kanë mijëra e mijëra evropianë dhe jo vetëm evropianë që jetojnë me idenë për ta zbutur kapitalizmin. Ndaj unë jam për ta zbutur kapitalizmin. Nuk jam për ta shuar.

Rakipllari: Kjo është një ide shumë e bukur intelektuale e ekstremit të majtë. Unë nuk konkurroj me ty dhe s?jam në politikë, por po them që kjo që thoni ju Blush është populiste, është shumë e bukur për ta dëgjuar njerëzit, por nuk propozon asgjë, nuk ka asnjë premisë për të zhvilluar vendin.

Blushi: Më lër ta shpjegoj. E ke shumë gabim. Çfarë po thua? Po kush është premise për të zhvilluar vendin. Nëse ti do të përpiqesh të më bindësh?

Rakipllari: Unë s?po të bind fare, kjo është dëshira e intelektualëve të majtë, por nuk propozon asgjë.

Blushi: Dëshira është për ta zbutur kapitalizmin, për ta bërë më njerëzor. Ekstremi i djathtë ku është Rilindja me PD-në e kanë të fituar.

Rakipllari: Po s?është ekstrem i djathtë Rilindja, këtu është dallimi.

Blushi: Të dyja bashkë janë për kapitalizëm të egër, sepse të gjitha vendimet që kanë marrë i kanë marrë në favor të pronarëve, jo të njerëzve si puna jote. Të lutem bëj dallimin mes pronarit dhe punëtorit. A jeni ju dakord që ju të paguani më shumë taksë se pronarët tuaj? Unë nuk jam dakord me këtë. Nëse jeni dakord jeni të parët punëtorë në glob që mendojnë se duhet të paguajnë më shumë taksë se pronarët e tyre.

Rakipllari: Kjo është retorikë. Ky është populizmi.

Lela: Unë edhe në 2013 kam qenë kundër kësaj, por keni qenë ju pro? Ju keni qenë për taksën progresive dhe tani po na thoni që është faji i atyre që keni qenë kundër.

Blushi: Unë jam kundër. Unë jam prapë aty pra. Ju taksoheni sot 23%, pronarët tuaj taksohen sot 15%. Unë mendoj që kjo është e padrejtë, për ju në radhë të parë, por edhe për të gjithë shoqërinë. Prandaj them për një taksë progresive, e cila merr parasysh se sa fiton dhe sa kontribuon. Sepse një korporatë, kjo industria e riciklimit të mbetjeve?

Rakipllari: Po taksa ndaj biznesit është taksa që i shkon konsumatorit, mo zotëri.

Blushi: Vazhdo, vazhdo. A mund t?ju premtoj se nëse një ditë e kam në dorë, do paguani më pak taksa se sa pronarët tuaj.

Rakipllari: Do blejmë më pak, Blushi.

Blushi: Jo, Jo nuk do blini më pak, përkundrazi.

Lela: Po të jemi te niveli i taksimit unë jam te 10% I Berishës dhe te 9% i Bashës, nuk jam tek Rilindja, socializmi dhe taksa progresive. Unë e dëgjova me vëmendje atë që thatë dhe ju shoh ju si bartës të një sindrome që është e juaja, por është e socializmit botëror dhe shqiptar. Fryma antikapital është kundër klasave krijuese kjo. Unë nuk mendoj që të pasurit krijojnë të varfër. Është gabim kjo.

Blushi: Jo e ke gabim.

Lela: Kështu që nëse ja lidhim metaforikisht lakun e taksës së fortë kapitalit, kapitali ka për tu larguar dhe ne nuk mund të shpërndajmë të mira pa I krijuar ato. Socializmi do t?i shpërndaj pa i krijuar.

Blushi: Tani mos më ço te socializmi se po flas për një kapitalizëm të zbutur. Shumë shkurt do them diçka. E di sa shqiptarë jetojnë sot me 5 mijë lekë të vjetra në ditë, ç?ka është niveli i mjerimit, sipas Bankës Botërore? Janë gati 30% e shqiptarëve. Unë nuk po merrem me këtë nivel. Po merrem me një nivel tjetër, sipas të cilit 400 mijë shqiptarë jetojnë me 400 lekë të vjetra në ditë. Ju jeni teorikë, por nuk jetoni me këtë.

Lela: Me paketën tuaj të dinjitetit jam dakord, por duhen krijuar paratë që të?

Rakipllari: S?ka mekanizëm për ta zhvilluar.

Blushi: A mund ta mbaroj? Ç?do të thotë për një vend me 3 milionë banorë, pra 1/7 e popullsisë jetojnë me 400 lekë të vjetra në ditë. çfarë do të thotë kjo? Jua them shumë shkurt. Nëse një fëmijë sot është 13 vjeç apo 15 vjeç dhe për shkak të varfërisë së prindërve, të cilët marrin asistencë sociale marrin 400 lekë të vjetra në ditë, të cilat I ndan babai, mamaja dhe dy fëmijë dhe një djalë është 13 vjeç dhe me 400 lekë të vjetra në ditë, nuk po them që ai do jetë gjithë jetën depresiv, i poshtëruar, sepse kur shkon në klasë është totalisht kompleksiv në raport me të tjerët që mund të blejnë një stilolaps më shumë apo një karamele më shumë dhe kjo është fatkeqësi e madhe. Po nuk po merrem me këtë pjesë. Që ai të ketë mundësi të bëjë prokopi, në rastin më të keq ai mund të shkojë në rrugë të keqe. Një vend mbushur me drogë, me kanabis, që kërkon punëtorë në të zezë për të punuar mund ta marrë këtë 13-vjeçar si ai që ishte në Sharrë e ta çojë të punojë arat me kanabis. Në qoftë se ky hyn në një cikël të keq dhe kthehet në një keqbërës për shoqërinë, sepse është i paarsimuar, është i kompleksuar, merret peng nga bandit që e përdorin për vjedhur, ky një ditë mund të përfundojë në burg. E dini sa është kostoja jonë për një njeri që mbajmë në burg sot, për shkak se nuk e kemi arsimuar, s?e kemi ushqyer, s?e kemi ndihmuar të ushqehet sit ë gjithë të tjerët.

Eni Vasili: 50-70 euro në muaj.

Blushi: 50 euro në ditë.

Rakipllari: Po si zhduket varfëria duke rritur taksat mbi biznesin?

Blushi: Më lër të shpjegoj. Nëse ne paguajmë 50 euro në ditë për shkak se nuk jemi marrë gjithë jetën për ta futur këtë fëmijë në një rrugë normale, duke i dhënë pak shpresë, pra jo kanabis dhe jo emigracion, ne paguajmë më shumë në ditë se ç?do paguanim nëse këtë fëmijë do ta fusnim në shkollë, ta ushqenim më mirë, t?i jepnim një zanat. Është kosto më e lartë për ne. Prandaj po them që shoqëritë e emancipuara..

Rakipllari: Ku do i gjejmë këto lekë pra? Duke rritur taksat ndaj biznesit? I rritet taksa kompanive ato ja rrisin çmimin qytetarëve.

Blushi: Kjo nuk është e vërtetë. Po pse mo, në Gjermani kompanitë e naftës nuk paguajnë taksë?!

Rakipllari: Është vend më i zhvilluar Gjermania.

Blushi: Po pse është nafta më lirë në Gjermani, për shkak të monopolist, pra. Për shkak të qeverisjes së keqe ne paguajmë ato që shesim, ato që prodhojmë më shumë se të tjerët. Ku do i gjejmë paratë the ti?! Nëse ti më bind mua që është miradministrim dhe qeverisje cilësore dhe përmirëson shëndetin tonë, fakti që qeveria jonë prokuron 300 milionë euro koncesione, të cilat nuk kanë dhënë asnjë rezultat: nuk ka dhënë rezultat as Check Up-i, as dializa, për të cilën torturohen njerëzit, as cilësia e spitaleve nuk ka ndryshuar. Po këto 300 milionë euro ku janë. Ja pra ku janë. Nëse ti më bind mua që një pishinë në Durrës, 3 milion euro i vlen një qyteti më shumë se ku e di unë se çfarë. Prandaj këto janë ..

Eni Vasili: Duhet zhvilluar qyteti, thotë kryeministri?

Blushi: Mos më fut aty, sepse nëse ka një krim estetik që Edi Rama po i bën Shqipërisë dhe që lind pik së pari jo vetëm nga delirim, por edhe nga mediokriteti i tij estetik, është mediokër në kuptimin estetik të fjalës, është mënyra se si po i uniformizon qytetet tona. Për qytetet duhet të investojmë, por nuk mund të jenë njësoj si Shkodra, si Përmeti, si Korça, si Durrësi. Të gjitha njësoj. E di si është kjo? Si të marrësh një gotë dhe kam përshtypjen këtë bën Edi Rama, merr tavlla dhe gota dhe celularë, i vë mbi planimetrinë e qyteteve dhe i vizaton. Qytetet nuk bëhen kështu. Po i shkatërron qytetet tona, duke investuar kot, pllaka dhe ndriçim të paarsyeshëm.

Vasili: Ka shumë qytetarë që na shkruajnë. Po marr vetëm një që thotë, si e mendon ta sjellë ndryshimin zoti Blushi, kur dihet që nuk do ta marrë kurrë shumicën për të qeverisur. A është kjo një ide utopike e tij?

Blushi: Jo, absolutisht. E para ne nuk dimë se çfarë do të prodhojnë zgjedhjet e ardhshme. Unë me kolegët e mi jemi futur në një garë..

Rakipllari: Për të qeverisur? Për të marrë pushtetin?

Blushi: Jemi futur në një garë me të gjithë rivalët që do të dalin në këtë garë. Ka disa mundësi për të ndryshuar një pushtet apo një qeveri, duke qeverisur vetë apo duke kushtëzuar ata që qeverisin. Kjo praktikë deri më sot nuk ka ndodhur. Kjo është arsyeja që ne do jemi besnikë të disa parimeve, për të cilat unë nuk doja të flisja, po flisja vetëm për mendimet e mia, por jo për doktrinën apo programin tonë, sepse ne nuk kemi nxjerrë akoma një program dhe kjo do të jetë fryt i shumë njerëzve dhe i shumë konsultimeve. Pra, po ju thosha që nëse do kemi disa parime, çfarë mund të ishin ato? Investim më i madh në arsimin publik. Patjetër. As PD-ja, as Rilindja nuk e kanë këtë. Të dyja e çuan arsimin publik drejt arsimit privat.

Eni Vasili: Si do ta kushtëzoni, pyet një qytetar?

Blushi: E kushtëzojmë.

Rakipllari: E kemi parë fushatën në 2013, zhgënjim total.

Blushi: Unë nuk mbaj përgjegjësi.

Rakipllari: Ti na ke bërë që të zhgënjehemi më tepër nga kjo qeveri.

Blushi: Unë i kam të gjitha përgjegjësitë?

Rakipllari: Jo përgjegjësitë, pot ë them që ajo fushatë ka këtë produkt.

Blushi: E para nuk është e vërtetë dhe e them që nëse edhe një ditë, edhe një 5 minutësh, unë kam mundësi për të vendosur që 400 lekë të vjetra në ditë për 400 mijë shqiptarë të bëhen të paktën dyfish?

Rakipllari: Ku do t?i gjesh? Kujt do ja marrësh?

Blushi: Do t?ia marr kujtdo.

Rakipllari: Do ja marrësh biznesit? Se punësimin e bën biznesi.

Blushi: Jo, jo, nuk do lejoj që 300 milionë euro t?i marrë një njeri.

Rakipllari: Si do e stimulosh biznesin që të krijojë vende pune, se vendet e punës nuk i krijon.

Blushi: Nuk do lejoj që 300 milionë euro t?i marrin 2-3 njerëz duke mos bërë asnjë punë. Përkundrazi.

Rakipllari: Shumë mirë që do bësh këtë.

Blushi: Ta thashë sikur edhe një 5 minutësh kam mundësi që 400 lekë të vjetra që merr sot një fukara nga asistenca sociale, ta bëj 800 apo 1 mijë në ditë, do ta bëj pa hezitim.

Rakipllari: Si do rrisësh ekonominë, punësimin, duke rritur taksa?

Blushi: kam një moto që dua ta them sot. Nuk është e imja, është e shumë njerëzve. Ne mendojmë që në një shoqëri, në një vend, sa më shumë të varfër aq më pak të pasur dhe sa më pak të varfër, aq më shumë të pasur. Ky është ndryshimi pra. Sot në Shqipëri ka shumë të varfër, pak të pasur. Ne duam të kemi më shumë të pasur dhe më pak të varfër.

Rakipllari: Të gjithë do donim të kishim arsim pa lekë, më shumë të pasur, më pak të varfër. Po si? Është provuar kjo, në fund të Luftës së dytë botërore në vendet e lindjes dhe la dështuar. Ëndërr shumë e bukur kjo.

Blushi: Vendet e lindjes nuk e njihnin pasurinë. Ishin të gjithë të barabartë.

Rakipllari: Është provuar edhe në Shqipëri.

Blushi: Unë nuk flas për një shoqëri të barabartë në kuptimin e pasurisë, port ë të drejtave. Unë besoj që detyrimi i parë i një shoqërie ndaj qytetarëve të vet është t?i arsimojë ata. Shoqëritë tona prej gati 15 vjetësh po heqin dorë gradualisht, po ja kalon privatit. Ky nuk është detyrim i privatit të edukojë njerëzit. Unë nuk them, nuk ka detyrim shteti t?i gjejë punë çdo njeriu, por shteti ka për detyrë të edukojë çdo njeri.

Lela: Ishim i vetmi vend me sistem shëndetësor dhe arsimor shtetëror. Nuk kishim dalë nga bllokada e komunizmit.

Rakipllari: arsimi e shëndetësia janë katastrofë.

Blushi: Po pse janë katastrofë?

Rakipllari: Sepse janë shtetërorë, sepse kjo logjika t?i mbajmë pa lekë, falas këtu çon.

Blushi: Ja t?ju kundërshtoj.

Lela: A jeni të mendimit se abuzon administrata shtetërore apo privatët, sepse nga ajo që po dëgjoj deri tani po kuptoj se abuzive janë vetëm privatët.

Blushi: në Shqipëri ka ndodhur një rast tipik, për tu studiuar. Nga të gjitha doktrinat ideologjike të majta e të djathta dhe pak aventuriere padyshim. Ky rast tipik është rasti i kompanisë shtetërore OSHEE, e cila u privatizua para 7-8 vjetësh, Saliu e privatizoi, e ktheu në ÇEZ ja shiti një kompanie private çeke, e cila falimentoi dhe kjo është arsyeja që u rishtetëzua dhe sot u kthye në OSHEE. Më thoni kur u administrua më mirë kompania, kur u privatizua apo tani që e mori shteti.

Rakipllari: Tani do ia njohim Ramës këtë meritë?

Blushi: Ramës i ngeli në dorë. E di si je ti..

Rakipllari: Unë po pyes, ti thua si je..

Blushi: Do të jap një shembull. Para ca vjetësh isha me një mik që e mban veten si tifoz djathërash dhe porositi një djathë me vrima dhe unë merresha me djathin ai numëronte vrimat. I thashë po si ka mundësi? Po ky është pasioni im, tha. Tani unë po flas për thelbin. Kjo kompani, e cila i ngeli shtetit, për shkak se ÇEZ-I e administroi shumë keq, sepse ÇEZ-i i ngeli shtetit në dorë dhe u detyrua ta rishtetëzojë, ta riblejë.

Rakipllari: Kompania ÇEZ dështoi për shkak të ndërhyrjes së shtetit, me çmime me gjithë maskarallëqet e tjera.

Lela: Dhe një korrektim. Ishte kompani shtetërore.

Blushi: S?ka lidhje,ishte administrim privat se ne nuk paguanim taksa në faturën e energjisë te qeveria çeke.

Eni Vasili: Të kthehemi te thelbi. Janë të shumtë ata që mendojnë që Blushi i takon ekstremit të majtë.

Blushi: Nëse më shihni nga Rilindja e nga PD-ja dukem si i majtë dhe e kam për nder.

Vasili: Çfarë thotë Berisha për shembull?

Blushi: Kjo është spektakolare, një komunist të akuzojë një njeri që s;është e s?ka qenë asnjëherë komunist.

Rakipllari: Po është parti e djathtë.

Blushi: Po ai vetë është komunist dhe të më akuzojë mua si i majtë! E kam për nder të më akuzojë. E di si është kjo? Është njësoj si një zebër të ankohet për vizoren. Nuk mund të ankohet zebra për vizoren.

Lela: Që Berisha të mos provohet në të drejtë dhe ju thatë që do ta legalizoj partinë, ju lutem ruhuni dhe mos e bëni me 8 nëntor.

Blushi: Kjo nuk ka nevojë të ma thuash. Nuk kam dalë sonte të rrëzoj çfarë kam thënë për 10 apo 15 vjet. Kam dalë t?ju them që nëse me shihni nga e djathta sigurisht unë dukem i majtë dhe e kam për nder. Çështja është që ky nuk është një projekt që përfaqëson vetëm bindjet e mia. Do jetë një ekuilibër mes shumë vullneteve dhe shumë bindjeve e shumë pikëpamjeve, duke u përpjekur të zgjidhë çështje. Do zgjidhë çështje më shumë.

Rakipllari: Sapo i njohët Ramës një meritë, reformën në energji.

Blushi: Unë nuk i njoha reformën në energji. Thashë për shkak se CEZ-i falimentoi.

Rakipllari: Pse çfarë do kishe bërë ndryshe, nëse do ishe në pushtet.

Blushi: Dhe unë do ta merrja në administrim.

Rakipllari: Domethënë ka bërë mirë ai.

Blushi: PO i ngeli atij. Padyshim që kompaninë shtetërore duhet ta mbajë. Nëse nesër del Edi Rama dhe thotë do ta privatizoj OSHEE, unë jam kundër.

Rakipllari: Kontrollin mbi territorin ja njeh Ramës si meritë që ka ndaluar ndërtimet pa leje?

Blushi: Po të doni ja njoh.

Rakipllari: Do ta bëjë ndryshe këtë gjë?

Blushi: Sigurisht.