38 qen, 9 papagaj dhe 5 tigra i bëjnë “cirk” doganave të “Rilindjes”

19 Tetor 2016, 16:37, Aktualitet CNA

Italianët të friksuar nga infiltrimet e terroristëve nga Shqipëria në Itali kanë intesifikuar mbikqyrjen dhe kontrollet në portet e veta, që kanë lidhje me tragete me Shqipërinë. Një forcim i tillë i kontrollit ka nxjerrë zbuluar si doganat ashtu edhe veterinerët e AKU-së, që veprojnë në zonën doganore. Brenda një jave vetëm në Portin e Barit doganat italiane të mbështetura nga Roja e Financës dhe Policia pyjore (Corpo Forestale dello Stato) kanë kapur një numër të madh kafshësh pa certifikata doganore, të cilat po tentohej të futeshin ilegalisht nga Shqipëria në Itali. Në 12 tetor nga Durrësi kishin kaluar ilegalisht për në Bari 63 breshka, të cilat janë specie e mbrojtur dhe ndalohet rreptësisht trafikimi i tyre. Pasi doganës dhe veterinerëve të AKU-së u kaluan nëpër shalë 53 breshka më 17 tetor në Bari u bllokua një sasi e madhe e kafshëve të Cirkut ?Bellucci?. Ky cirk kishte dhënë shfaqje për dy cirku javë në Durrës dhe po kthehej me traget për në Bari. Pikërisht në doganën e Barit cirkut në fjalë iu bllokuan 38 qen, 9 papagaj dhe 5 tigra njeri prej të cilëve tigër shumë i rrallë i llojit albin (Panthera Tigris Albino). Të gjitha këto kafshë të Cirkut ?Bellucci? ishte tentuar të futeshin në Itali pa certifikata veterinare. Një gjë e tillë është rreptësisht e ndaluar në Itali, prandaj dogana italiane vendosi ndalimin e hyrjes së kafshëve në Itali dhe kthimin e tyre mbrapsht në Shqipëri.

Normalisht lind pyetja si ka mundësi, që këto kafshë në kundërshtim me ligjin hynë e dolën nga Shqipëria pa certifikatë veterinare? Ndërsa Kryeministri Rama publikisht deklaron se doganat shqiptare nuk janë han pa porta fare si në kohën e Saliut, në këto dogan, ndonëse është rreptësisht e ndaluar, kalojnë qen, papagaj, breshka e tigra pa certifikata veterinare? Lavdi Zotit, që Cirku ?Bellucci? kësaj rradhe nuk kishte edhe elefantë, se pastaj do bëhej barcaletë Dogana e Durrësit, ku na kaloka edhe elefanti pa certifikatë veterinare. Kur në dogana në kundërshtim me ligjin në fuqi kalokan edhe tigrat pa certifikatë, sa siguri ka Kryeminsitri Rama, që nuk do kalojnë ?pa certifikatë? edhe plehëra të rrezikshme, madje edhe mbetje radioaktive nga ato, që nuk i pranoi Mbreti Mohamed V i Marokut dhe po planifikohet të dërgohen ose në Ziltan të Libisë (?majmunët?-trafikantë nga Verona) ose në Manzë të Durrësit?!

Nja 22-23 vite më parë, kur shërbimi doganor shqiptar drejtohej nga Anesti, veterineri i shquar e pedant dhe kur në doganën e Durrësit vigjëlonte ndjesë pastë veterineri Krenar Golashi, Shqipëria ishte e mbrojtur nga kërcënimet veterinare (sëmundje ngjitëse të kafshëve, dëmtimi i faunsë në rrezik zhdukje etj.) Sot në dogana kalojnë pa certifikata veterinare nga breshkat te tigrat, në një kohë, kur vetë minsitri i financave nga mediat ka marrë nofkën ?Ben Tigri?! Është me të vërtet një gaz-maraz tipik shqiptar, që vartësve të ?Ben Tigrit? t?u kalojnë në mënyrë të kundraligjshme tigrat pa certifikatë veterinare.

Meqenëse një avokatuc mediatik i Kryeministrit Rama ka filluar me 23 vite vonesë tu japë përsëri leksione gazetarie gazetarëve shqiptarë, po vëmë në shkrim edhe linkun e Agjensisë së lajmeve ANSA për lajmin me papagaj dhe tigra në Doganën e Portit të Barit. Jo për ndonjë gjë po ky avokatuci mediatik ndonjëherë më të rrallë ka punuar si ?stringer? për Agjensinë prestigjoze ANSA, kështu që nuk do ketë shansin apo mundësinë për tu dhënë leksione gazetarie gazetarëve shqiptarë dhe prova besnikërie Kryeministrit Rama.

Linku i ANSA-s:

http://ëëë.ansa.it/puglia/notizie/2016/10/18/animali-circo-bloccati-in-porto-bari_c9809f62-3562-40e9-9f65-0c87767a9e61.html

GJERGJ THANASI