web counter
LEXO PA REKLAMA!

SHKARKO APP

App Store
Google Play

Ish-funksionari i PPSH-së, Xhafa: Dasma e çiftit të ri nuk mund ta zbardhë “faqen e zezë” të Zogut

12 Tetor 2016, 13:45, Aktualitet CNA

Ish-sekretari i Parë i Komitetit Qendror të Partisë së Punës së Shqipërisë, Muharrem Xhafa, në një intervistë për gazetën ?SOT?, duke folur për organizimin e dasmës të Princit Leka II me aktoren Elia Zaharia thotë së një shtet Republikë parlamentare nuk ka princ dhe as princeshë.

?Jo dasmë, po edhe sikur të “digjet” në flakë pranë “bustit” të Gjysh Ahmetit, Leka Zogu nuk i impresionon shqiptarët?, është shprehur Xhafa.

Në fakt nuk impresionon deklarata e tij. Xhafa sot në demokraci ka të gjithë lirinë siç e ka patur edhe në kohën e sundimit të regjimit të tij komunist. Ai të paktën nuk lëviz nga ideali i tij. Xhafa e shfrytëzon këtë të drejtë për të folur duke e sharë ?mbretin Zog I? e duke thënë se as dasma e ciftit të ri nuk mund ta zbardhë ?faqen e zezë? të Zogut.

?Çfarë ka qenë mbreti Zog, nuk ka asnjë makiazh, asnjë bojë, sado të jetë moderne, që të mund t’ia mbulojë e t’ia fshehë faqen e zezë atij dhe “republikanëve, demokratëve e socialistëve” zogistë. Aq më pak mund ta bëjë këtë një dasmë e stisur e nipit të vet, Lekës, që, siç kemi vënë në dukje, është një e drejtë e tij të martohet, po jo si një princ trashëgimtar i vërtetë, i ligjëruar i kurorës?, tha Xhafa.

Xhafa quan ?turp? edhe nderimin që i bëri klasa politike shqiptare kësaj dasme. Ai thotë se martesën e Lekës e “nderuan” pak, tre a katër familje mbretërore, që të gjitha të rrëzuara nga froni. /Citynews.al





Lajmet e fundit nga