Sot lidh kurorë çifti mbretëror, Princ Leka dhe Elia Zaharia

8 Tetor 2016, 06:38, Aktualitet CNA

Familja Mbretërore sot ka dasëm. Princ Leka II dhe e fejuara e tij Elia Zaharia sot lidhen në martesë. Me këtë rast pritet një ceremoni madhështore e familjes mbretërore shqiptare. Përfaqësues nga 70 familjet e mëdha monarke të Evropës do të jenë të pranishëm në këtë ngjarje.

Oborri mbretëror bën të ditur se ceremoniali nis me celebrimin e çiftit në mjediset e Pallatit të Brigadave, vijon me një pritje në Rezidencën pranë Galerisë së Arteve dhe mbyllet me darkën festive përsëri në Pallatin e Brigadave.

Të ftuarit do të priten në Pallatin e Brigadave nga ora 10.00-10.45. Në darkën e dasmës do të jenë rreth 300 të ftuar, ndër ta do të jenë Princi i Luksemburgut, Princët nga Lihtneshtejni, LSM Princesha Lalla Salma e Marokut, LSP Farah Diba, MS Mbretëresha Sofia e Spanjës etj. Mësohet se vetëm Mbreti I famshëm Mohamed I VI I Mrokut dhe bashkëshortja e tij Llalla Salma kanë prenotuar 40 dhoma në një nga hotelet më luksoze në Tiranë. Të ftuar në celebrim janë edhe krerët më të lartë të shtetit shqiptar, Presidenti i Republikës,Bujar Nishani, Kryeministri Edi Rama, Kryetari i Parlamentit Ilir Meta, ministra të Qeverisë etj..

Në orën 11.00 pritet të fillojë celebrimi në Sallën e Fronit, drejtuar nga Kryetari i Bashkisë së Tiranës, Erion Veliaj.

Në orën 11.15 përfaqësuesit e klerit në Shqipëri do të mbajnë fjalën e tyre përshëndetëse për këtë martesë dhe në orën 11.30 celebrimi do të mbyllet me fotot përkatëse, për të vazhduar me një pritje prej 800 të ftuarish në Rezidencë.

Në orën 12.15 parashikohet mbërritja e çiftit dhe të ftuarëve në festën në Oborr, ku Princ Leka do të mbajë një fjalim. Festa parashikohet të zgjatë rreth dy orë.

Festa do të hapet me kalimin e çifteve, të kryesuar nga Princi Leka dhe Princeshë Elia Zaharia dhe fjalimin përshëndetës të Skënder Zogu rreth orës 20.50.

Më pas gjatë mbrëmjes, do të mbajnë fjalën e tyre, edhe babai i Elia Zaharias, Gjergj Zaharia, Princ Leka II dhe Princesha Elia. Në axhendë është përmendur edhe finalizimi i festën me tortën në orën 24.00.

Princ Leka dhe Eli Zaharia u takuan ën teatrin Kame në Tiranë në vitin 2008, ku nisi edhe dashuria e tyre. Ata jetojnë bashkë nga 2010 në pallatin mbretëror. Çifti mbretëror pritet të kalojë muajin e mjaltit në Afrikën e jugut. /Citynews.al