web counter
LEXO PA REKLAMA!

SHKARKO APP

App Store
Google Play

E fundit!

x

TAHIR-SAT BLLOKOJNË PERFUNDIMISHT DROGËN

22 Shtator 2016, 16:27, Aktualitet CNA

Një lajm sa sensacional po dhe aq dhe i rëndësishëm për fatet e “rilindjes” sapo mbërriti. Na bëhet me dije se tani në orët e vona të natës, “tahirsat” kanë bllokuar një sasi droge. Akoma nuk kemi të dhëna të sakta, lidhur me sasinë; sidoqoftë ka zëra që flasin për kuintalë, tonelata, maune, avionë e transoqeanikë, po sidoqoftë nënvizojnë se këto, janë vetëm zëra. Madje burime të pa konfirmuara, flasin për një tunel me një agroteknikë e industri gjigande, pikërisht në truallin e maskuar nën kodin News24. Siç dhe shihet vetë kodi, i përbërë nga fjalë e shifra, mund të jetë edhe ndonjë “pasword” që do të hapë “pandorën” e re rilindase.

Ketu përreth në distancën ligjore të vendit të “krimit”, pra News24, janë grumbulluar shumë kureshtarë e midis tyre lëvizin uniforma të panumërta. Me mjaft vështirësi mbasi pamë një miush midis policëve, per te cilin na thanë se ishte ministri, kemi mundur të depërtojmë e t’i shkëpusim një intervistë të shkurtër, të cilën po jua nisim në ligjëratë të drejtë; “…Nën dritën e mësimeve të Edvinit,”mari(ua)nsat” e policisë së rilindjes, sapo janë hedhur në një oporacion “rrufe” të koduar “edtahir”. Operacioni konsiston në bllokimin, konfiskimin e gjithë sasisë së drogës dhe arrestimin, e kultivuesve, grumbulluesve, trafikuesve, si dhe narko-publikuesve, të maskuar nën petkun e gazetarëve…, rilindja socialiste këtë herë do të lajë duart një herë e mirë me ketë krim të shëmtuar, që na e solli dhe e perhapi nepermjet propagandës helmuese të saj Partia Demokratike….”

Pyetjet dhe këmbënguljen tonë të mëtejshme, ministri e refuzoi. Sidoqoftë meqë jemi akoma në linjë, dhe nga distanca dëgjojmë kërcitjen e hurit e shkopinjëve, të gomës, hipotetikisht mund të konkludojmë se “mari(iua)nsat të gjithë heronj tepelenas, duhet ta kenë marrë nën kontroll gjithçka. Deri në momentin që po flasim, nga vendi i “krimit” ka dalë vetëm një “kriminele”, Emrin e saktë Eni, apo Vasili, apo të dyja bashkë, akoma nuk e dimë, sidoqoftë kemi mundësi të dallojmë një grua të brishtë dhe të imët me një buqetë të gjelbër pa asnjë lule në dorë…ndoshta larg syve tanë mund t’ja kenë shkundur lulet tahirsat e ligjit. Gruaja nuk duket e lënduar. Linja për ju në studjo…. ZEF ZEFI





Lajmet e fundit nga