E fundit!

21:41 Aktualitet

VIDEO-Me flamuj kuqezi/ Protestuesit marshojnë në rrugët e Tiranës

Edhe në ditën e 27-të të protestës kundër qeverisë, qyteta...

Sazan Guri “plaçkë” që blihet, apo që shitet?

22 Shtator 2016, 14:16, Aktualitet CNA

Sazan Guri, një nga aktivistët e flaktë kundër importit të plehrave në Shqipëri, sa e sa herë në ballë të protestave kundër veprimeve apo mosveprimeve kërcënuese për mjedisin, papritur ka ndryshuar qëndrim. Ai qëndron as mish as peshk, por që çon ujë në mullirin e qeverisë me pasivitetin e tij.

Pse vallë? Kush e bleu Sazan Gurin?

Po të kujtojmë betejën e Sazanit në 2013 për të njëjtën çështje duhet të themi se ai ishte kategorikisht kundër importimit të mbetjeve në Shqipëri, madje e ndoqi atë me firmat për referendum e deri në Gjykatë Kushtetuese. Ndërsa tani ai shfaqet i matur, këshillues përballë një fenomeni mjedisor kërcënues të jetës e shëndetit të shqiptarëve.

Në fakt nuk ka ndryshuar asgjë në kushtet e Shqipërisë si vend pritës plehrash, nga koha kur ligjin e plehrave e dërgoi për miratim në Parlament ish-kryeministri Sali Berisha, kur Guri thërriste në protestë për ta ndaluar. Tani përballë mbrojtjes socialiste në Kuvend me arsyetime se demek ligji është i duhuri e kushtet janë optimale, Sazani rri urtë e jep mend.

Ja çfarë thotë Sazan Guri sot:

?Është marrëzi të mendohet se do të importohen plehra, pasi ky vend ka një ligj shumë të fortë që e ndalon. Por kur flasim për importin e mbetjeve, ato një ditë do të vijnë pasi është ligj botëror. Ne duhet të përgatisim një plan strategjik dhe të detajuar për kapacitetin që vendi ynë ka nevojë. Qeveria duhet të thërrasw një grup studiuesish për të vlerësuar situatën, rreziqet, sa i aftë është vendi ynë të përballojë importin e tyre. Unë si Sazan, por edhe deputetët apo qytetarët nuk duhet të flasim para se të bëhet një vlerësim nga grupi i ekspertëve?, shprehet ai në intrevistën më të fundit në dritare.net.

Ndërkohë votimin e pr/ligjit të plehrave në Kuvend e kanë kundërshtuar edhe deputetët socialistë Mimoza Hafizi dhe Erion Braçe, të cilët theksin e vënë në pamundësinë e Shqipërisë për të menaxhuar mbetjet si duhet.