web counter
LEXO PA REKLAMA!

SHKARKO APP

App Store
Google Play

Rama publikon një nga punët e Rilindjes Urbane

21 Shtator 2016, 13:55, Aktualitet CNA

Megjithëse lajmi ka që dje i publikuar në faqen zyrtare të kryeministrisë, kreu i qeverisë Edi Rama ka dashur ta ndajë edhe sot me ndjekësit e tij në rrjetet sociale ngazëllimin për sukseset e kantiereve të Rilindjes Urbane. Bashkë me fotot që prezantojnë këtë projekt kreu i qeverisë ka bërë edhe përshkrimin e tij. /Citynews.al

Mesazhi i kryeministrit Edi Rama në rrjetet sociale, si vijon:

?Bashkia e re e Gramshit, deri para tre vitesh një qytet krejt i harruar, ku makinat parkoheshin në qendrën e qytetit dhe nga të katër anët shihej rrënimi nga braktisja e qeverisë në Tiranë; sot po jeton një transformim real, me qytetin që po kthehet çdo ditë e më shumë në një qendër urbane me hapësira publike dinjitoze për banorët, që përveç jetës sociale më cilësore, përfitojnë dhe një rritje të vlerës së pasurisë së patundshme.

Edhe rruga e re që lidh Gramshin me Elbasanin, realizuar në dy vjet me standarde të shkëlqyera, i ka dhënë një frymëmarrje të madhe qytetit duke lehtësuar ndërlidhjen e gjithë kësaj zone me pjesën tjetër të vendit dhe duke e bere lidhjen me Tiranën në më pak se 90 minuta!

Këto zhvillime të mezipritura rrisin dukshëm nevojën për ta shtrirë më tutje, më shpejt transformimin, duke kultivuar dëshirën e njerëzve për të vazhduar të investojnë në biznese të vogla e në ferma, për të parë përtej kufijve asfikues të qytetit të vjetër në hapësirën e madhe të bashkisë së re, e cila ka një natyre të mrekullueshme dhe potenciale reale zhvillimi.?

 





Lajmet e fundit nga