E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Ligji i mbetjeve/ LSI dorëzon në Kuvend amendamentin

21 Shtator 2016, 08:03, Aktualitet CNA

LSI dorëzon në Kuvend amendamentin për ligjin e mbetjeve. Amendamenti është propozuar nga kreu i grupit parlamentar të LSI-së, Petrit Vasili.

?Ndryshimet kanë të bëjnë me rregullimet e kuadrit ligjor për mbetjet. Qëllimi i ndryshimeve importimi i mbetjeve të ngurta. Shoqëria civile të informohet në doganë për mbetjet?, tha kreu i grupit parlamentar të LSI-së petrit Vasili.

Në amendamentin e LSI-së thuhet: ?Në mbështetje të nenit 71 të Rregullores së Kuvendit, te projektligji ?Për disa shtesa dhe ndryshime në ligjin nr. 10 463, datë 22.9.2011, ?Për menaxhimin e integruar të mbetjeve?, të ndryshuar, propozohet që në nenin 3, i cili ndryshon nenin 48 duke shtuar nenin 48/1, pas pikes 2 të nenit të ndryshuar shtohet pika 3 e formuluar si më poshtë:

Pika 3

Organizatat e shoqërisë civile kanë të drejtën e monitorimit në pikat doganore të caktuara për kontrollin dhe zhdoganimin e mbetjeve. Ato paraqesin kërkesë me shkrim për pajisjen me autorizimin nga ministri përgjegjës për mjedisin, që lejon kryerjen e këtij monitorimi. Drejtuesit e pikave doganore kanë detyrimin e lejimit të kryerjes së monitorimit pa kufizim.?

Sipas relacionit të LSI bashkëngjitur këtij amendimi qëllimi i ndryshimeve të propozuara në ligj, të cilat po shqyrtohen nga Parlamenti, është importimi i mbetjeve të ngurta jo të rrezikshme të listës së gjelbër si lëndë e parë dytësore, për të plotësuar nevojat e industrisë ricikluese të vendit, për qëllime riciklimi dhe përdorimi si zëvendësues të lëndëve të tjera nga burime jo të rinovueshme, që përdoren nga industria. ?Amendamenti që propozoj dhe që konsiston në shtimin e pikës 3, në ndryshimet e propozuara, i jep mundësi konkrete shoqërisë civile që të ketë rol aktiv në këtë proces, gjë që do të rrisë besimin në zbatimin korrekt të ligjit në praktikë, i cili është edhe qëllimi kryesor i të gjithë shoqërisë shqiptare për këtë çështje?, thuhet në relacion.

?Ky amendament që propozohet duke shtuar këtë pike 3 krijon dhe një raport të ri bashkëpunimi me shoqërinë civile, i cili shëndosh raportet mes parlamentit, ekzekutivit dhe opinionit publik nga ana tjetër, pasi vetëm transparenca, e cila është edhe thelbi i amendamentit të propozuar nga unë me shtimin e pikës 3, është kontributi më i mire për këtë raport, i cili duhet të priret gjithmonë nga konstruktiviteti që zgjidh problemet dhe përmirëson zbatimin praktik të legjislacionit?, thekson Vasili në amendamentin e propozuar për ligjin e mbetjeve. /Citynews.al