E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Klosi: Gjermania ofron 46 mijë vende pune/ Ja procedura që ndiqet

21 Shtator 2016, 06:39, Aktualitet CNA

Ministri i Mirëqenies Sociale, Blendi Klosi ka pranuar se Gjermania kërkon rreth 46 mijë persona të kualifikuar për t?i punësuar me kontrata të rregullta pune. Për këtë çështje ministry shpjegoi procedurat që të interesuarit nga vendi ynë duhet të ndjekin për t?u përzgjedhur. Kështu nëse ke një zanat dhe dëshiron të punosh në Gjermani, mjafton të paraqitesh në zyrat e punës për t?u orientuar me procedurat se si mund të pajisesh me vizë pune, pa pasur nevojë të nisesh si azilkërkues. Klosi thotë gjithashtu se nuk mund të përfitojnë personat që zgjedhin të kërkojnë azil në Gjermani. Klosi thotë gjithashtu se jo të gjithë 46 mijë personat do të jenë nga Shqipëria, pasi janë përfshirë edhe vende të tjera.

?Janë 46 mijë kërkesa nga shteti gjerman, por kjo nuk do të thotë që do të vijnë të gjithë nga Shqipëria. Së bashku me qeverinë gjermane, nëpërmjet programit të mbështetjes gjermane GIZ, ne kemi filluar punën nëpër disa sportele kryesore të zyrave të punës në vendin tonë. Do të përgatisim asistencën e afruar nga Shërbimi Social Shtetëror për të gjithë ata që kanë një profesion. Mjafton profesioni dhe kontrata e punës për të bërë të mundur vizën e punës në Gjermani?, ka deklaruar Blendi Klosi në media.

Por, sipas Blendi Klosit, në zyrat e punës ka më pak kërkesa sesa pritej, për faktin se i pakët është edhe numri i atyre që kanë një zanat. Ndryshe paraqitet situata për infermierët, të cilët janë të kërkuar në Gjermani dhe vetëm për këtë vit, deri më tani, janë punësuar sipas rregullave 460 infermierë. Largimi në masë i tyre ka bërë që situata në vend të bëhet shqetësuese, pasi spitalet tona po përballen me një mungesë të theksuar në stafet tyre, pasi pjesa më e madhe e atyre që kanë një kualifikim të mirë vendosin të punojnë jashtë shtetit në këmbim të një page më të mirë dhe kushteve të punës më të përshtatshme. Pikërisht dëshira për të pasur një vend pune më të mirë bëri që mijëra qytetarë nga Shqipëria të kërkonin azil në Gjermani gjatë vitit 2015, edhe pse vendi ynë u shpall vend i sigurt. /Citynews.al