web counter
LEXO PA REKLAMA!

SHKARKO APP

App Store
Google Play

Artan Hoxha kerkon telefonat/ Prokuroret e njoftojne live ne emision

20 Shtator 2016, 21:23, Aktualitet CNA

Gazetari investigativ i ?News24?, Artan Hoxha ende nuk i ka marrë telefonat që i sekuestroi Prokuroria e Krimeve të Rënda të enjten e kaluar, pas deklaratave të tij se piloti italian Guido Andrea Guidi kishte pranuar se e kishte ulur avionin në Ishëm, për të testuar pistën, me qëllim që të kthehej më vonë për të trafikuar 200 kg hashash.

I ftuar në ?Studion e Hapur? të Eni Vasilit gazetari Hoxha tha se institucionet shqiptare nuk po bashkëpunojnë lidhur me hetimet për avionin në Ishëm, madje sipas tij, janë përfshirë në një lojë politike.

?Telefonat janë sekuestruar të enjten, sot është e martë, realisht edhe sot nuk jam i qartë për çfarë janë marrë. Tashmë telefonat janë në dispozicion të tyre. Nuk kam patur asnjë komunikim.

Nuk disponoj mjetet e punës. Unë me ata telefona kam folur me të gjitha palët atë ditë për të krijuar një panoramë se çfarë po ndodhte me atë ngjarje. Më bëhet qejfi që i kanë marrë materialet sepse do kenë plot materiale. Kjo është puna e tyre, jo puna ime. Uroj që ky veprim që kanë bërë të ketë shërbyer që ata të zbardhin një hetim të cilin e kanë nisur me vrull.

Ka një gjë që nuk shkon në këtë histori, institucionet tona nuk bashkëpunojnë, madje janë përfshirë në një lojë politike. Të shkosh tek gazetarët për të arritur një qëllim politik, kjo nuk shkon?, deklaroi Hoxha.

Ndërkohë gazetarja Klodiana Lala e njoftoi kolegun Hoxha live në emision se zyrtarë të Prokurorisë së Krimeve të Rënda i kishin konfirmuar se ai mund të paraqitet të mërkurën, për të marrë telefonat e tij në prokurori.





18:33 Aktualitet

Beteja e Majlindës

Nga Luljeta ProgniKa disa ditë që deputetja e PD-së, Majlind...

Lajmet e fundit nga