web counter
LEXO PA REKLAMA!

SHKARKO APP

App Store
Google Play

E fundit!

x

Rrjet tërësisht i ri energjie për 120 mijë banorë

20 Shtator 2016, 15:05, Aktualitet CNA

Shumë shpejt pritet të përfundojë fideri 34 (Unaza e Madhe ? ish-Fusha e Aviacionit ? Laprakë), i cili është një nga 6 fidrat që aktualisht kompania OSHE po ndërton në kryeqytet. Ky fider është pjesë e projektit me vlerë 7 milionë dollarë për forcimin e N/Stacionit të Selitës, nga ku do të lidhen fidrat dhe prekin gati gjysmën e Tiranës, nga Selita deri në Laprakë, ish-Zogu i Zi, ?Rruga e Kavajës, etj.

Punimet i inspektoi nga afër drejtori i Drejtorisë Rajonale të OSHEE, në Tiranë, Klevis Jahaj.

?Fideri 334 me tension 6 kV që furnizon aktualisht zonën është i amortizuar dhe në disa segmente jashtë kushteve teknike, i mbingarkuar dhe me humbje të larta teknike dhe jo teknike. Ky projekt zëvendëson linjat e vjetra nga 6 kV në 20 KV.  Kemi një territor të gjerë ku përfitues janë mbi 120 mijë banorë të qytetit të Tiranës?, tha Jahaj.

Investimi përfshin, shtrimin e 8.3 km linjë TM prej 20 KV, Rikonstruksionin e 10 kabinave, Ndërtimin e 18 kabinave të reja, Shtrimin e 5 km rrjet të ri Tensioni të Ulët me linjë ABC, Jahaj tha se janë me dhjetëra kabina shtyllore/ajrore që do të hiqen pasi janë jashtë kushteve teknike dhe të rrezikshme. Projekti i fidrit 334 shtrihet në disa zona.

Projekti nis nga mbikalimi i Unazës së RE, përgjatë gjithë rrugës ?Teodor Keko?, për të vijuar te pallatet ?Hauai?, ?Karavan?, që shtrihen përgjatë rrugës ?Dritan Hoxha?, një pjesë e Laprakës, dhe përfundon deri te pallatet e ?Izraelit?, pra deri në ish-Fushën e Aviacionit, etj.

Me anë të këtij projekti, i cili shërben për 30 vitet e ardhshme synohet ulja e humbjeve teknike, rritja e standardeve të furnizimit. Gjithashtu synohet formalizimi i rrjetit të shpërndarjes në një zonë ku me së shumti kabinat janë private dhe shtyllore. Këto kabina do të zëvendësohen me kabina të reja box në pronësi të kompanisë, brenda të gjitha standardeve teknike. /Citynews.al

 





Lajmet e fundit nga