E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Skandali/ Shkelen kriteret me tenderin e “Skenës së re”

18 Shtator 2016, 08:15, Aktualitet CNA

Shtohen dyshimet sa i takon tenderit të Ministrisë së Kulturës për ngritjen e qendrës ?Skena e re?. Gazeta Sot bën të ditur detaje të reja lidhur me skualifikimin e ofertës më të vogël që ajo njoftoi më parë, duke shkaktuar 463 milionë lekë dëm.

Kompani me ofertën më të ulët është ?Curri? sh.p.k. Ajo ka bërë një padi në Gjykatën Administrative dhe gazeta ka siguruar ankesën e plotë. Mes shumë çështjeve, aty përmend dhe shkeljet që janë bërë nga Komisioni i Vlerësimit të Ofertave, pasi kanë shpallur fituese një kompani që ka pasur probleme në shumë aspekte. Sipas padisë, së pari ngrihet hije dyshimi se nuk ka kontrata të ngjashme, sikundër kërkohet. Po ashtu deklarohet se fituesi nuk ka bërë çertifikimin e makinerive sipas kërkesave të DST dhe për këtë arsye është kërkuar që të verifikohet një gjë e tillë. Më tej thuhet se certifikata ISO nuk ka qenë e vlefshme në ditën e zhvillimit të tenderit. ?Është fare e thjeshtë për t?u verifikuar vlefshmëria e këtyre certifikatave në internet.

Ne verifikuam këto certifikata në sistem dhe ato janë të pavlefshme. Nuk dimë arsyen por, as Autoriteti Kontraktor dhe KPP nuk bën asnjë verifikim të thjeshtë në sistem?, thuhet aty. Një tjetër pretendim është se kompania fituese ka detyrime tatimore të paguara dhe sipas padisë, ajo duhej që të ishte skualifikuar. ?Shoqëria në kundërshtim me legjislacionin e prokurimit dhe dokumentet e tenderit është kualifikuar fituese megjithëse ka detyrime të papaguar pranë organeve tatimore. Ky fakt provohet sipas shkresës nr.10666 prot, date 13.07.2016. Mosplotësimi i këtyre kritereve ligjore, detyrimet nga tatimet, është kusht skualifikues pa kaluar në fazat e tjera të vlerësimit të ofertës. Palët e paditura AK dhe KPP jo vetëm nuk e kanë skualifikuar këtë shoqëri nga klasifikimi, por e kanë shpallur fituese megjithëse ka detyrime të papaguara pranë organeve tatimore, detyrime ndaj shtetit. Kjo është shkelje tepër flagrante dhe në kundërshtim me ligjin?, thuhet në ankesë.

Kompania ?Curri? sh.p.k, për tenderin në fjalë ka bërë një ofertë prej 333,308,142.00 lekë, ndërsa kompania fituese ka pasur ofertë prej 379,602,405.00 lekë. Pra duket se ka fituar ai me ofertën më të lartë. Edhe në padi është theksuar se është bërë një dëm i lartë në buxhet, teksa kompania thekson se dhe asaj i është bërë dëm. /Citynews.al