web counter
LEXO PA REKLAMA!

SHKARKO APP

App Store
Google Play

E fundit!

x

Meta: Gara për LSI, sfidë për lëvizje/ E ardhmja e Shqipërisë është bujqësia dhe jo kanabisi

18 Shtator 2016, 10:40, Aktualitet CNA

Kryetari i Lëvizjes Socialiste për Integrim Ilir Meta ka nisur fushatën për zgjedhjet në parti duke zhvilluar një takim me përkrahës dhe anëtarë të partisë që drejton në qytetin e Korçës. Meta ka deklaruar se pjesëmarrjen në garën brenda LSI-së e sheh si sfidë për një lëvizje që do ta nisë nga Korça.

Lakimi i emrit të Metës për garën e presidentit, ngelet pa koment nga ana e kryetarit të Kuvendit, të cilën ai e konsideroi një garë të pashpallur.

?Nuk kam asnjë koment për gara të pashpallura. Gara e vetme ku marr pjesë është ajo e LSI. Garën për LSI e konsideroj si sfidë për lëvizje që do ta nis nga Korça?, tha kreu i LSI-së Ilir Meta.

Duke folur për çështjen e nxehtë të aktualitetit në vend, kanabisin kreu i LSI-së Ilir Meta, tha se është bujqësia e ardhmja e vendit dhe jo kanabisi.

?E ardhmja e Shqipërisë është bujqësia dhe jo kanabisi. Politika duhet të marrë vendime dhe jo t?i shmanget. Me rëndësi të vendoset se si do të sillemi me këtë fenomen në të ardhmen?, theksoi Meta.

Kreu i LSI-së në fjalën e tij theksoi: ?Kurrë mos mendoni se unë do të lodhem së kërkuari konsensus. Besoj se është e mundur që të punojmë në mënyrë konstruktive E mundur të punojmë në respekt të konsensusit?.

Kryesia e Lëvizjes Socialiste për Integrim disa ditë më parë vendosi që data 6 nëntor do të ishte momenti kur do të zhvilloheshin zgjedhjet për kryetarin e partisë. Në garë, deri tani, do të jenë kryetari aktual dhe themeluesi i saj, Ilir Meta si edhe Shezai Rrokaj, kryetar i LSI për degën e Tiranës. Deri në 30 shtator është afati kur mund të regjistrohen edhe kandidatura të tjera, por duket se këta dy do të jenë kryesorët. /Citynews.al

 





Lajmet e fundit nga