web counter
LEXO PA REKLAMA!

SHKARKO APP

App Store
Google Play

E fundit!

x

Meta deputet në Korçë?/Starton garën për kryeministër

18 Shtator 2016, 13:28, Aktualitet CNA

Kryetari i Kuvendit dhe LSI-së sot ka dhënë një prononcim të fortë nga qytetit juglindor. Kjo jo vetëm në lidhje me kanabisin por edhe me faktin se Korça dhe Pogradesi mund të jenë synimet e tij më të forta elektorale.

LSI në qarkun e Korrcës humbi një bashki dhe fitoi një tjetër në zgjedhjet lokale të 2015, pra PD i ?rrëmbeu? Pogradecin me ndihmën e socialistëve,  dhe mundi të siguronte Kolonjën. Një qark ku LSI në zgjedhjet e vitit 2013 ka marë 14.700 vota eshte një zonë e sigurt elektorale.  Në Pogradec LSI-ja ka një ?thes? plot me vota dhe Korça e Kolonja, apo disa nga komunat e fushës në këtë qark nuk duken pa vëmendje ndaj Metës. Për gati 700 vota LSI nuk mundi të siguronte mandatin e dytë brenda koalicionit të majtë në zgjedhjet parlamentare të 2013.

Duke analizuar zgjedhjet e fundit, pushtetin e LSI-së në Korçë dhe prononcimin e Metës, sot janë të gjitha gjasat që Ilir Meta të jetë kandidat për deputet në qarkun e Korçës ose një nga njerzit më të fortë të LSI për të bërë të mundur të sigurojë 2 mandate. Qarku Korçë mund të ketë 11 nga 12 mandate që kishte më parë. Nga të cilat Ilir Meta synon dy, i vetën ose me PS aleate. Në fakt në çdo formë LSI mund ti sigurojë në rast se Meta do jetë vetë kandidat, dy partitë e mëdha kanë më pas 9 mandate në dispozicion numër i vogël që favorizon socialistët sipas statistikave zgjedhore.

Meta kryeministër?

Por kandidimi i Metës në qarkun e Korçës dhe nisja e garës për kryeministër fillon edhe tek kjo përgjigje që ju dha sot gazetarëve. Ai u pyet:  Gjithnjë e më tepër po diskutohet emri i zgjedhjes së ardhshme të Presidentit. Edhe eksponentë të PS e kanë mirëpritur kandidaturën tuaj për President?

Nuk kam asnjë koment për garat të pashpallura. E vetmja garë ku unë marr pjesë është ajo për kryetarin e LSI-së dhe kam kënaqësinë që këtë garë, që e konsideroj si një sfidë për përmirësimin e mëtejshëm të LSI-së, ta nis nga Korça dhe nga Pogradeci.

Pra Meta është i qartë ka filluar garën për kreun e LSI-së nga Korça e Pogradeci, një garë në fakt fiktive që ai e ka të fituar, por më tepër i shërben për show mediatik. Sfidë për Metën mund të jetë posti i kryeministrit jo i kreut të LSI-së (kasollja e tij private e ndertua pa leje ne kohen e Nanos, legalizuar nga Berisha dhe Rama). Meta ndoshta e pret me qetësi dhe dashuri postin e Presidentit, por a mund të shkonte drejt “pensionit politik” njeriu që nuk ndalet në ambicet dhe lojën e tij politike.

Në një zonë ku ai mund të shtoje mandatet e fituara, jep një mesazh për sfidë, dhe sfida për Metës është kryeministri, post që mund ta fitojë në rast se shkon tek 25-30 mandate dhe  më pas të kërkojë mbështetjen e PD-së të Bashës që mund të ketë një numër mandatesh sa 2013 ose pak më të madh. Edhe pak muaj per te prekur te verteten./CityNews

 





Lajmet e fundit nga