Henri Çili dhe vrasësit me pagesë të ëndrrave të maturantëve/ Nga Indrit Hoxha

16 Shtator 2016, 08:26, Aktualitet CNA

E kemi paralajmëruar që vjet, kur po miratohej në Kuvend ligji Për Arsimin e Lartë që pas tij qëndronte Henri Çili. Ky biznesmen pa skrupuj e parime ia kishte dalë të prodhonte lobim e të mbyllte gojë, me qëllim devijimin e tubit të parave drejt vetes. Sot jemi para një tragjedie tjetër kombëtare. Nuk është as figurë letrare as hiperbolë politike. Jemi në prag të alienimit total të sistemit arsimor në vend. E gjitha bëhet për para. Më saktë: për fryrjen e xhepave të oligarkisë shqiptare, që në këtë sektor përfaqësohet denjësisht me Henri Çilin. Skema djallëzore e prezantuar sivjet për kalimin e maturantëve në universitete nuk qe tjetër veçse një formulë ligësie, cinizmi dhe perversiteti, e frymëzuar fuqishëm nga babëzia për sa më shumë rrjepje të parave të hallexhinjve. Edhe pse një jetë nxënësi ka studiuar e investuar në edukimin e tij, edhe pse bashkë me familjen kanë investuar në ëndrrën a prirjen, sistemi, i ujdisur në mënyrë diabolike, e vendosi sivjet para një labirinthi krejt absurd pikësh, formulash e të tjera truke si këto , duke i thënë : ?qe baba duart! Sistemi ta bëri dhe sistemi është i ftohtë dhe i ndershëm. Ne nuk i futëm hundët në të?! Ndiq paratë! ? thotë kriminalogjia botërore. Në do të zbulosh autorin e një krimi, ndiq paratë. Dhe në rastin konkret ato të çojnë ?.tek Çili! Elita e maturës, në dëshpërimin e mbylljes së dyerve në degët që meritojnë në universitetet publike, s?kanë tjetër rrugë veç të paguajnë për t?u shkolluar tek privati. Tek ?çili? privat? Në fakt rilindja nuk ka lënë shumë mundësi. Ju kujtohet që ia hyri me shpatë universiteteve sapo mori pushtetin. Pak kanë ngelur, i pari i të ?çilëve? është ai i themeluar nga Henri. Them ?i themeluar? sepse ndoshta duhet parë në letra në e ka më ai apo jo. Seç kam një përshtypje se ?i ka pastruar? ca gjëra ai djalë në atë universitet, zyrtarisht dua të them?.Nejse , mesele tjetër kjo. Tani rikthehemi tek vrasja. Ata maturantë që dolën në shesh e të tjerë që nuk e kanë atë guxim, sot përjetojnë funeralin e ëndrrave të tyre pasi një grup vrasësish me pagesë të atyre ëndrrave, me laps letër e kartona votimi, ua kanë vrarë. Për interes të çilit e kanë bërë??.E përsëris: për interes të oligarkisë dhe përfaqësuesve të saj, një prej të cilëve është edhe ky Henri që ka nisur të trashë zërin ekraneve.