web counter
LEXO PA REKLAMA!

SHKARKO APP

App Store
Google Play

E fundit!

x

Telashet e artistëve me drogën/Ja cilët u arrestuan nga policia në periudha të ndryshme

22 Korrik 2016, 13:23, Aktualitet CNA

Artistë shqiptarë, madje të konsideruar për vite me rradhë, si yje të skenës shqiptare, kanë patur probleme me drejtësinë për shkak të drogës, përfshirjes së tyre direkte apo indirekte.

Rasti më i fundit i arrestimit nga policia ishte ai i valbona Xekës, e njohur si këngëtare, e cila u kap me 12 gr lëndë narkotike të dyshuar si kanabis.

Por cilat janë rastet më të bujshme të arrestimit të artistëve apo këngëtarëve shqiptarë, brenda apo jashtë Shqipërisë, si të përfshirë në rrjetet e drogës apo që i janë gjetur lëndë narkotike, qoftë edhe për përdorim vetjak?

Liljana Kondakçi

Këngëtarja e njohur Liljana Kondakci u arrestua në Greqi për llogari të drejtësisë italiane, e cila e kishte dënuar këngëtaren shqiptare me burg në mungesë nën akuzën e trafikut të lëndëve narkotike.

Këngëtarja u arrestua nga policia e antidrogës në një banesë të Selanikut që e kishte marrë me qera. Në atë kohë58 vjeçe, Kondakçi ishte shpallur në kërkim si anëtare e një prej bandave të trafikut të drogës në Itali. Gjithcka ka filluar në maj të vitit 2006 kur sic bënë të ditur mediat italiane, Kondakci u arrestua në stacionin e trenit Sibari në Cosentino, me tre kilogram kokainë në cantë.

Atë kohë ajo kishte deklaruar se pakoja me drogë ishte një dhuratë nga një fans dhe ajo nuk ishte në dijeni për përmbajtjen e saj. Prokuroria e Castrovillari kërkoi dënimin me 2 vjet e 8 muaj burg për artisten dhe pritësin e mallit, i cili rezultoi se ishte një shqiptar.

Në tetor të vitit 2008 vjen vendimi i ri i gjykatës: urdhëri për arrestimin e këngëtares nën akuzën e trafikut ndërkombëtar të narkotikëve, urdhër i cili mbeti i pazbatuar për shkak se Kondakci ishte larguar nga Italia.

Vetë këngëtarja lirike e viteve ?80 Liliana Kondakci u shfajësua disa herë publikisht për dyshimet se ajo është pjesë e një bande trafiku të drogës. Ajo ka përgënjeshtruar njoftimet që vinin përtej detit se ajo rezulton anëtare e një grupi trafikantësh të lëndëve narkotike.

Viktor Zhusti

Në mbrëmjen e 5 janarit të vitit 1998, një ndër aktorët më të shquar shqiptarë, arrestohet nga policia greke. Mediat e atëhershme e komentuan me të madhe arrestimin e Viktor Zhustit, i cili u kap me 11 kilogramë heroinë.

Për këtë ai u ndëshkua me 18 vite burg nga gjykata greke dhe u caktua që ta vuante dënimin ne burgun ?Hanja?.

Në një shkrim të ?Associated Press?, jeta e aktorit me origjinë greke shfaqet si një metaforë e shtetit shqiptar. i lindur në Athinë, në moshen 3 vjeç ai vjen në Shqipëri me babain e tij shqiptaro-grek. Zhusti rritet në Gjirokaster dhe bëhet një aktor me emer. Ka luajtur në mbi 20 filma, ku një ndër më të dashurit është ai në komedinë ?Shi në plazh?. E ëma e tij greke i dërgon një leter shtetit shqiptar duke e falenderuar për të birin. Pas shembjes së diktaturës, Zhusti emigron në Greqi. ?është shembulli i njeriut të mirë që nuk i eci në jetë?, thuhet ne artikullin e ?Associeted Press?.

Gentian Llanaj

Këngëtari i një prej grupeve rinore në Shqipëri është arrestuar pak vite më parë në Greqi për shitje droge. Gentian Llanaj, mësohet se është ndaluar gjatë një aksioni kundër një rrjeti që shiste lëndë narkotike.

Siç shkruan gossip-tv.gr, Llanaj bënte një jetë luksi në shtetin helen dhe pikërisht për këtë arsye ai është vënë nën hetim nga policia, në lidhje me të ardhurat e tij. Disa muaj para arrestimit ai kishte qenë edhe pjesë e një koncerti të zhvilluar në Parthina me këngëtarë të njohur shqiptarë.

Policia gjatë hetimeve ka zbuluar se jeta luksoze e Llanajt, vinte për shkak të aktivitetit kriminal dhe jo të punës së tij si DJ. Për pothuajse një muaj agjentët e antidrogës së policisë së Atikës e kanë ndjekur atë pasi kishin informacione në lidhje me një grup shqiptarësh të cilët merreshin me shitje lëndësh narkotike të të gjitha llojeve, kryesisht në një zonë në veri të Athinës, ku ishin disa lokale për të rinj.

Këngëtari Gentian Llanaj është mbajtur në vëzhgim dhe gjatë ndjekjes policia ka zbuluar në një banesë kanë konfisfkuar, 1 kilogram e gjysmë kanabis me origjinë shqiptare, 162 gram heroinë dhe më shumë se 20 gram kokainë të pastër.

Cozman

Këngëtari Cozman (Ylber Abdullahu) u ndalua nga policia e Tiranës pak kohë më parë, pasi u kap me 20 gr hashash, të cilën e kishte fshehur në trup.

Pas një kontrolli rutinë të njësisë ?Shqiponja? Cozman, i cili udhëtonte me mjetin tip ?Range Rover? është shoqëruar fillmisht në Drejtorinë e Policisë së Tiranës për verifikim dokumentacioni pasi kishte mangësi dhe për xhamat e zinj, por pas kontrollit personal iu gjet në trup një sasi narkotike e dyshuar cannabis sattiva në një sasi prej rreth 20 gramësh.

Ndalimi është bërë nga policia në zonën pranë kryqëzimit të Stacionit të trenit. Ligji shqiptar për rastet e narkotikëve është shumë i ashpër dhe parashikon nga 5 deri në 10 vjet burg. /citynews/





Lajmet e fundit nga