E fundit!

11:24 Aktualitet

Bordi i Transparencës merr vendimin/ Ja çmimet e reja për karburantet

Bordi i Transparencës ka njoftuar se çmimi i shitjes me pa...

Reforma në Drejtësi/ Petrit Vasili flet për konsensusin mes palëve dhe koalicionin me PS

22 Korrik 2016, 09:59, Aktualitet CNA

Sekretari i Përgjithshëm i LSI-së, Petrit Vasili, ka komentuar sot miratimin e reformës në drejtësi, por nuk ka dhënë shumë detaje mbi marrëdhëniet me aleatin e saj, Partinë Socialiste.

I pyetur nga gazetarët për koalicionin PS-LSI, Vasili u shpreh se konsensusi i arritur dje nuk e rrëzon koalicionin, pasi është një ditë bashkimi.

Vasili foli edhe për largimin e Metës në kohën kur po fliste kryeministri Rama dhe largimin e këtij të fundit nga parlamenti në momentin kur po fliste kreu i Kuvendit.

?Nuk e kam vënë re këtë detaj. Kjo nuk ka një përgjigje politike. Edhe mua më është dashur të lëviz disa herë kur ka folur kryeministri apo kryetari i Kuvendit?, tha Vasili

Sekretari i Përgjithshëm i LSI-së tha se votimi i djeshëm i reformës përmes konsensusit i bashkoi shqiptarët, të cilët sipas tij ndihen më të sigurt në vendin e tyre.

?Një votim i cili ishte produkt i konsensusit patriotik dhe historik. Një konsensus që i bashkoi shqiptarët, që të ndihen më të sigurt në vendin e tyre. Të gjithë sot janë më të qetë pasi përfituan një reformë për një shtet që prodhon barazi dhe paanshëmri që i ka lodhur shqiptarët?, tha ai

Ai theksoi se për politikën tashmë është një ditë e re, pasi tabuja e konsensusit u thye.

Për politikën sot është një ditë e re. Pasi kemi dalë jashtë tabusë së konsensusit. Shqipëria tregoi se mund të bashkohet për cështje madhore. Politike shqiptare nga sot nxjerr mësime të tjera për të kuptuar që ndasitë artificiale dhe dritëshkurtra, të cilat e mbajnë peng vendit, janë të padobishme.?, vijoi Vasili

Vasili ka vlerësuar edhe rolin e SHBA-ve dhe BE-së për ndihmën e tyre gjatë gjithë procesit.

?Është vendi që të vlerësojmë rolin e BE dhe SHBA. Ata e ndihmuan procesin e ndërtimit të një reforme në drejtësi, të paanshme dhe të pa kapur. Kemi hyrë në një fazë të re. LSI, do të shërbejë dhe do të jetë aktive edhe në procesin tepër të rëndësishëm të zbatimit të saj?, u shpreh sekretari i përgjithshëm i LSI