web counter
LEXO PA REKLAMA!

SHKARKO APP

App Store
Google Play

E fundit!

x

Paradoksi/Mazhoranca ka 94 vota për reformën, por rrezikon Qeverinë

19 Korrik 2016, 16:36, Aktualitet CNA

Mazhoranca pothuajse mund të realizojë shumicën e cilësuar prej 94 votash për miratimin e ndryshimeve kushtetuese në kuadër të reformës në drejtësi, por në anën tjetër Qeveria Rama mund të rrëzohet ng momenti në moment përmes mocioneve të mosbesimit.

Kjo për vetë faktin se votat që zotëron Grupi Parlamentar socialist janë 63, dhe bashkë me deputetin socialist Anduel Xhindi që është përfshirë në Grupin e PDIU-së, numri shkon në 64. Nëse LSI largohet nga Qeveria, ashtu sikundër u paralajmërua të dielën nga Ilir Meta, Kryetar i Kuvendit, atëherë Edi Rama duhet të mendojë të sigurojë së paku 7 deputetë për të mbajtur Qeverinë dhe për të mos kaluar në një qeveri teknike apo krizë që do të çonte në zgjedhjet e parakohshme.

Por nëse i zbresim grupit të deputetëve socialistë edhe të paktën dy deputetët Ben Blushi dhe Mimoza Hafizi, të cilët mund të mos votojnë pro Ramës, atëherë Kryeministrit do t?i duhen së paku 9 vota. Nëse ai merr mbështetjen e PDIU-së me 5 ligjëvnës, sërisht votat nuk i mjaftojnë, çka do të thotë se duhet të kërkojë vota mes partive dhe grupeve të tjera parlamentare.

Por referuar deklarimeve të bëra një ditë më parë, nëse deputetët e partive të vogla mund të votojnë pro reformës në drejtësi, qoftë edhe pa konsensusin e PD-së, në rastin e mbështetjes me votë të një Qeverie të re të PS-së, vota e tyre do të ishte kundër.

Kjo do të thotë se mundësia që Rama ka për të gjetur votat e munguara, mund të jenë dy grupet e mëdha parlamentare, nga ku mund të ketë rrjedhje votash, por gjithsesi ky mbetet një opsion me një përqindje shumë të vogël.  /citynews/





Lajmet e fundit nga