web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/ Mazhoranca mund të bëjë 94 votat për miratimin e reformës

19 Korrik 2016, 16:16, Aktualitet CNA

Mazhoranca mund të sigurojë 94 votat që do të garantonin miratimin e reformës në drejtësi. Duket se deklaratat e Kryeministrit Edi Rama që shpreh siguri në miratimin e reformës edhe pa konsensus, por referuar Kushtetutës, kanë një bazë dhe llogaritje.

Citynews në llogaritjet që ka bërë rezulton se mazhoranca mund të sigurojë mbi 94 vota, kjo referuar edhe takimeve individuale që ka bërë Ambasadori amerikan Donald Lu.

Referuar mandateve që kanë në Kuvend, PS-LSI numërohen 84 vota. Por megjithë votat e PDIU-së numri arrin në 89. Por nëse bazohemi në deklaratat publike, të të paktën dy deputetëve Eduard Selami dhe Vangjel Dule, numri i ligjvënësve që votojnë reformën arrin në 91, çka do të thotë se për miratimin e draftit mjaftojnë edhe 3 deputetë.

Nëse do të bëjmë një llogaritje të deputetëve që përfaqësojnë partitë e vogla parlamentare, por edhe ligjvënës brenda grupit parlamentar demokrat, numri i deputetëve që mund të votojnë pro reformës në drejtësi, sipas draftit të propozuar nga Nuland, mund të jetë edhe më i madh sesa 3 votat që i duhen mazhorancës për të kaluar draftin qoftë edhe pa konsensusin zyrtar të Lulzim Bashës, Kryetar i PD-së. /citynews/





Lajmet e fundit nga