web counter
LEXO PA REKLAMA!

SHKARKO APP

App Store
Google Play

Sokol Balla: LSI beson se drafti i Xhafës është për të burgosur Ilir Metën

17 Korrik 2016, 20:13, Aktualitet CNA

Gazetari Sokol Balla shprehet se Lëvizja Sociliste për Integrim se drafti i Fatmir Xhafës është ?qepur? për të futur kundërshtarët politikë në burg dhe i pari në listë është Ilir Meta.

Përmes një editoriali me titull ?Manuali i leximit të Metës?, Balla shkruan se deklarata e Metës tregonte nota mosbesimi ndaj Kryeministrit Edi Rama.

?Ai i tregoi Ramës se LSI nuk ka më asnjë besim tek ai dhe se është gati për gjithçka por jo për të besuar Ramën. Pse? Sepse siç ai e bëri të qartë, LSI beson se drafti i Fatmir Xhafës është qepur për të futur kundërshtarët politikë në burg dhe (këtu fillon paranoja dhe analiza intuitive dhe jo faktike e LSI) i pari në listë është Ilir Meta (Tit Vasili e han kot, por ai është mësuar).? shkruan Balla.

Më tej ai shton se deklarata e Metës ishte një kundërpërgjigje ndaj informacioneve se Edi Rama po përpiqet të grumbullojë votat e mjaftueshme për të rrëzuar qeverinë e vet. ?Meta foli me pezm për këtë çështje dhe nuk ngurroi kështu të miratojë për herë të parë një prej tezave themelore të betejës politike të Lulzim Bashës: qeveri teknike për zgjedhjet e ardhshme. Kjo mesa duket, është edhe një kundërpërgjigje ndaj informacioneve paranojake se Edi Rama po përpiqet të grumbullojë votat e mjaftueshme për të rrëzuar qeverinë e vet (!!!), me një mocion besimi, në mënyrë që të fusë vendin në zgjedhje të parakohshme nëse rrezohet Reforma në Drejtësi. Kjo do t?i jepte Ramës avantazh të theksuar politik në këto zgjedhje, pasi njerëzit nuk do merreshin me ekonominë, korrupsionin apo Shullazin, por me reformën, reformën, reformën! ?Kalkulime elektorale?, i quajti Tit Vasili para pak ditësh. Kalkulime që Meta kërcënoi sot se do t?i prishë. Kur i tha Ramës se ai do ta votonte reformën (por pa dhënë garanci se ajo do kalojë), por po ashtu do të tërhiqte ministrat nga qeveria.? Artikulon Balla në editorialin e publikuar në Javanews.





Lajmet e fundit nga