web counter
LEXO PA REKLAMA!

SHKARKO APP

App Store
Google Play

E fundit!

x

PS dhe PD kërkojnë përjashtimin e deputetëve

26 Shkurt 2016, 12:01, Aktualitet CNA

Seanca e djeshme parlamentare tërhoqi vëmendjen e qytetarëve për mënyrën se si rrodhën ngjarjet. Tre deputetë të Partisë Demokratike, qëlluan me vezë ndaj kryeministrit Rama. Ky i fundit ka lëshuar në drejtim të tyre batuta që sipas opozitës janë fyese dhe të papranueshme.

Në mbledhjen e sotme të grupit parlamentar të Partisë Demokratike, u diskutua mundësia për të kërkuar përjashtimin nga Parlamenti të Edi Ramës dhe deputetit Erion Braçe. Përjashtimi i Ramës do të kërkohet për fjalë fyese ndaj deputetes Albina Deda. Deputetja e PD-së i ka gjuajtur kryeministrit me një letër të lagur, ndërsa Rama u përgjigj duek i thënë: ?Ku e fute që e lage?.

Për të njejtën arsye do të kërkohet edhe përjashtimi nga Kuvendi i deputetit Erjon Braçe. Deputetët e PD-së pretendojnë se  Erjon Braçe iu drejtua deputetes Arbjola Halimi: ?Kujdes se kap ndonjë gjë të fortë aty. Mos i fut duart?, në momentin që kjo tentoi të kalonte gardistët.

Nga ana tjetër, grupi parlamentar i Partisë Socialiste, ka kërkuar hapur përjashtimin për 10 ditë të deputetëve Gent Strazimiri, Bedri Hoxha dhe Albina Dede, pasi kanë qëlluar në drejtim të kryeministrit. Kjo u shpreh në letrën që kreu i grupit parlamentar socialist, Gramoz Ruçi i dërgoi kryeparlamentarit, Ilir Meta. Byroja e Kuvendit pritet të mblidhet sot për të shqyrtuar këtë kërkesë. Mbetet për tu parë nëse 3 deputetët e PD-së do të përjashtohen nga Kuvendi për një afat 10-ditor.





Lajmet e fundit nga